Söng- og leikkonan Jennifer Lopez og kærasti hennar, Alex Rodriguez, kláruðu nýverið áskorun sem fólst í því að borða engan sykur og engin kolvetni í tíu daga. J. Lo mætti til Ellen DeGeneres í gær til að tala um áskorunina.
„Þetta var mjög erfitt,“ segir Jennifer í meðfylgjandi myndbandi. „Ég hugsaði: Hvenær get ég fengið sykur aftur? Ég ætla að fá mér smákökur og síðan brauð og síðan brauð með smjöri,“ bætir hún við og lýsir fyrstu dögunum þegar hún þráði sykur og kolvetni. Þessi þrá dvínaði með tímanum. „Þegar maður fer aftur í sykur langar mann ekki eins mikið í hann.“
J. Lo ákvað að taka áskoruninni því hún er að undirbúa sig fyrir leik í nýrri kvikmynd sem heitir Hustler. Hún leikur fatafellu í myndinni og er að koma sér í betra form þar sem hún er viss um að búningarnir verði efnislitlir.
Horfa má á viðtalið hér fyrir neðan: