Snapparinn Kristbjörg Kamilla Sigtryggsdóttir snappar undir nafninu bandidogeg og nýtur sívaxandi vinsælda. Það má segja að sérkenni Kristbjargar sé þjóðleg matseld og gefur hún fylgjendum sínum góðar uppskriftir og ráð í þeim efnum því hún vill ekki að gleymist hvaðan íslenskur matur kemur, eins og hún sagði í samtali við DV fyrir stuttu.

Sjá einnig: Kristbjörg nýtir allt af skepnunni: „Frá haga í maga er mitt mottó“.

Nýjasta sýnikennsla Kristbjargar er hreint út sagt stórfengleg. Í henni fer hún yfir hvernig á að sjóða pasta og hvernig maður veit hvenær það er tilbúið.

Kristbjörg fékk ýmsar spurningar varðandi þetta og því ákvað hún að hafa sýnikennslu, sem felst einfaldlega í því að kasta spagettíi í vegg og athuga hvort það sé tilbúið. Ef það festist við vegginn er það tilbúið, ef ekki þá þarf það nokkrar mínútur í viðbót í pottinum.

Það sem þessi knái snappari gerir svo í lok myndbandsins er sprenghlægilegt, en Kristbjörg segir viðbrögðin við sýnikennslunni hafa verið góð.

„Fólk hlær mikið,“ segir hún og brosir.

Sjáið pastakennslu Kristbjargar hér fyrir neðan:

[videopress Rb59QZqp]