Lífsstílsvefurinn Women’s Health fékk sænsku söngkonuna og Íslandsvininn Zöru Larsson til að prófa nokkrar vörur úr sænsku verslunarkeðjunni IKEA og gagnrýna matinn fyrir sig.
Zöru fannst það nú ekki leiðinlegt, en það eru eflaust flestir Íslendingar sem hafa einhvern tímann prófað mat úr IKEA.
Zara sagði rabarbarabökuna ekki vera nógu súra og finnst sú heimagerða betri, sem maður skilur vissulega. Þá fannst henni skrýtið að Daim væri ekki jafn vinsælt í Bandaríkjunum og það er í Skandinavíu.
Þegar kom að einum þekktasta rétt Svía, sænsku kjötbollunum, var Zara yfir sig hrifin og bar þær saman við ítalskar kjötbollur.
„Stóri munurinn er að sænsku kjötbollurnar eru gómsætari. Afsakið Ítalir, ég er bara að vera hreinskilin.“
Sjáið Zöru smakka hinar og þessar IKEA-vörur hér fyrir neðan:
