fbpx
Þriðjudagur 16.ágúst 2022
Leiðari

Sóttkví – ekki bara næs frí

Tobba Marinósdóttir
Sunnudaginn 16. ágúst 2020 17:30

Tobba Marinós - Mynd: Íris Ann

Ekki missa af Helstu tíðindum dagsins í pósthólfið þitt

Lesa nánar

Eftirfarandi er leiðari ritstjóra sem birtist í nýjasta helgarblaði DV 

Meginþorri ritstjórnar DV var settur í sóttkví eftir að smit greindist á ritstjórninni í lok síðustu viku. Okkur er engin vorkunn enda margir í sömu stöðu, eða um 800 manns. Staðan er þó lítið sjarmerandi og áttar fólk sig gjarnan ekki á því hversu flókið það getur verið að vera í sóttkví fyrr en símtali við smitrakningarteymið lýkur og alvarleiki hvers tilviks kemur í ljós.

Fólk með ungbörn þarf til dæmis að huga að því að ekki er hægt að útskýra fyrir barni hvers vegna það megi ekki koma nálægt öðru foreldrinu né geta foreldrarnir báðir sinnt barninu ef annað er í sóttkví en ekki hitt. Því var brugðið á það ráð heima hjá mér að við hjónin og sú yngsta færum þrjú í sóttkví.

Erfiðast fannst mér að senda sex ára gamla dóttur mína að heiman þar sem aðrir á heimilinu voru í sóttkví en við vildum hlífa henni við því. Tólf daga innilokun fyrir sex ára fullfrískt barn er erfið. Hún hefði þurft að horfa út um gluggann á bestu vinkonu sína í næsta húsi leika sér í garðinum, missa af leikjanámskeiðinu sem beðið hefur verið eftir með eftirvæntingu og afmæli, svo eitthvað sé nefnt.

Andlega leggst slík frelsissvipting misvel í fólk. Samviskubit er þá gjarnan fylgifiskur. Heima fyrir er börnunum sinnt minna og sjónvarpið verður of stór hluti af deginum þar sem barist er við að reyna að skila af sér sæmilegu vinnuframlagi með barn í fanginu. Grenjandi rigning gerir lítið fyrir daglegan göngutúr til að halda geðheilsunni í lagi og heimaæfingarnar ganga misvel. Súkkulaðið klárast fyrr en ætlað var og það verður að viðurkennast að rauðvínið gerir það líka. Það er þessi tilhneiging til þess að „bæta sér upp“.

Þá hefur reynst gott að minna sig á að allt sem skiptir máli er í lagi. Börnin eru heil heilsu.

Hópurinn sem starfar á DV er ólíkur og aðstæður fólks eftir því. Sumir geta einangrað sig með nokkuð einföldum hætti á meðan aðrir þurfa að húka inni í völdu herbergi og lýsa yfir varúð vogi viðkomandi sér yfir þröskuldinn.

Einn ungur starfsmaður DV býr hjá foreldrum sínum og starfar annað foreldrið á spítala. Var þeim aðila meinað að mæta til vinnu vegna möguleika á smiti þó að sonurinn væri innilokaður í herbergi í sinni sóttkví. Það eru engir sénsar teknir – við erum jú öll almannavarnir.

Nema fávitarnir sem troða sér fram fyrir röðina á barnum, panta sér tvöfaldan gin í tónik og drekka svo óvart úr vitlausu glasi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 4 klukkutímum

Monreal leggur skóna á hilluna 36 ára gamall

Monreal leggur skóna á hilluna 36 ára gamall
433Sport
Fyrir 4 klukkutímum

Kristján Óli hjólar í Víking yfir stóra boltasækjara-málinu – „Þetta er bara væl og skæl“

Kristján Óli hjólar í Víking yfir stóra boltasækjara-málinu – „Þetta er bara væl og skæl“
433Sport
Fyrir 6 klukkutímum

Ronaldo gæti farið á elleftu stundu – Mendes reynir allt

Ronaldo gæti farið á elleftu stundu – Mendes reynir allt
Kynning
Fyrir 6 klukkutímum

Allt fyrir skólann á Boozt

Allt fyrir skólann á Boozt
433Sport
Fyrir 8 klukkutímum

City festir kaup á vinstri bakverði

City festir kaup á vinstri bakverði
Fókus
Fyrir 8 klukkutímum

Íslenska OnlyFans-samfélagið nötrar – Gagnrýnir aðila sem er sakaður um „melludólgshátt“

Íslenska OnlyFans-samfélagið nötrar – Gagnrýnir aðila sem er sakaður um „melludólgshátt“
Pressan
Fyrir 9 klukkutímum

Fundu 38 flóttamenn sem voru fastir á hólma í ánni Evros dögum saman

Fundu 38 flóttamenn sem voru fastir á hólma í ánni Evros dögum saman
433Sport
Fyrir 9 klukkutímum

Þurfa að reiða fram meira en átta milljarða fyrir Gordon

Þurfa að reiða fram meira en átta milljarða fyrir Gordon