fbpx
Miðvikudagur 28.september 2022
Fréttir

Aukinn þrýstingur í Bárðarbungu

Kristján Kristjánsson
Þriðjudaginn 26. júlí 2022 08:21

Bárðarbunga. Mynd:Fréttablaðið/Magnús Tumi Guðmundsson

Ekki missa af Helstu tíðindum dagsins í pósthólfið þitt

Lesa nánar

Í fyrradag mældust tveir öflugir skjálftar í Bárðarbungu. Annar upp á 4,4 klukkan 13.23 og hinn upp á 4,9 klukkan 13.45. Minni eftirskjálftar fylgdu síðan í kjölfarið. Skjálfti að þessari stærð var síðast í janúar 2020 og þar áður í janúar 2018.

Morgunblaðið hefur eftir Páli Einarssyni, jarðeðlisfræðingi og prófessor emeritus, að þetta sé aðalmerkið um að þrýstingur sé að aukast undir Bárðarbungu. Hann sagði að samkvæmt mælingum Veðurstofunnar og vísindamanna hjá Jarðvísindastofnun Háskóla Íslands sé kvikuþrýstingur aftur að aukast undir Bárðarbungu.

„Þrýstingurinn féll gríðarlega mikið í Holuhraunsgosinu. Það fór mikið magn af kviku norður í Holuhraun undan Bárðarbungu, en askjan seig um 65 metra í Bárðarbungu. Fljótlega eftir að gosið hætti fór kvika að safnast fyrir aftur undir Bárðarbungu og þar hefur verið landris alveg síðan,“ er haft eftir honum.

Hann sagði að talið sé að askjan rísi um einn metra á ári en ekki sé vitað hversu mikið hún þurfi að rísa til að kvikan brjótist út úr hólfinu sem hún er í.

Hann sagði að þrýstingur hafi verið að aukast undir Bárðarbungu síðan haustið 2015 og að búast megi við skjálftum upp á 4 til 5 árlega. Hann sagði að kvika sé enn að safnast fyrir og því fylgi landris og skjálftavirkni. Það sé óvíst hvort og þá hvenær það leiði til goss. „Þetta er þó merki um það að virknin í Bárðarbungu er í gangi enn þá, og því full ástæða til að hafa auga með þessari öflugustu eldstöð landsins,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 7 klukkutímum

Umfangsmikil herkvaðning Pútíns – Gamlir menn, krabbameinssjúklingar og látnir kallaðir til herþjónustu

Umfangsmikil herkvaðning Pútíns – Gamlir menn, krabbameinssjúklingar og látnir kallaðir til herþjónustu
Fréttir
Fyrir 7 klukkutímum

Pútín spilar rússneska rúllettu og það verður ekki aftur snúið

Pútín spilar rússneska rúllettu og það verður ekki aftur snúið
Fréttir
Fyrir 19 klukkutímum

Nýjar vendingar í hundamálinu á Akureyri – „Hann réðist að þriggja ára gömlu barninu mínu“

Nýjar vendingar í hundamálinu á Akureyri – „Hann réðist að þriggja ára gömlu barninu mínu“
Fréttir
Fyrir 20 klukkutímum

„Af hverju var hinn aðilinn ekki rannsakaður? Ég hefði ýmislegt að segja um hans hegðun“

„Af hverju var hinn aðilinn ekki rannsakaður? Ég hefði ýmislegt að segja um hans hegðun“
Fréttir
Í gær

Flýja áætlun Pútíns – „Ég vil ekki deyja“

Flýja áætlun Pútíns – „Ég vil ekki deyja“
Fréttir
Í gær

Uppreisn gegn Pútín kraumar í Dagestan – „Getur breytt stemmningunni í öllu landinu“

Uppreisn gegn Pútín kraumar í Dagestan – „Getur breytt stemmningunni í öllu landinu“