fbpx
Fimmtudagur 08.desember 2022
Fréttir

Karlmaður stunginn til bana í Ólafsfirði í nótt

Ritstjórn DV
Mánudaginn 3. október 2022 11:04

Ólafsfjörður - Mynd/Getty

Ekki missa af Helstu tíðindum dagsins í pósthólfið þitt

Lesa nánar

Karlmaður var stunginn til bana í Ólafsfirði í nótt. Búið er að handtaka fjóra einstaklinga vegna málsins en þeir njóta allir réttarstöðu sakbornings. Frá þessu er greint í tilkynningu frá lögreglunni á Norðurlandi eystra.

Óskað var eftir lögregluaðstoð að húsi í Ólafsfirði klukkan 02:34 í nótt þar sem maður hafði verið stunginn með eggvopni. „Lögreglumenn frá Akureyri héldu þegar á staðinn og lögreglumenn á bakvakt á Tröllaskaga voru ræstir út. Þá voru tveir sérsveitarmenn ræstir út frá Akureyri,“ segir lögreglan í tilkynningunni.

„Þegar fyrstu lögreglumenn komu á vettvang, voru endurlífgunartilraunir hafnar á karlmanni, sem var með áverka. Læknir og sjúkraflutningamenn komu einnig á vettvang en endurlífgunartilraunir báru ekki árangur og var maðurinn úrskurðaður látinn á vettvangi.“

Enginn er eftirlýstur vegna málsins en rannsókn þess er nú í höndum lögreglunnar á Norðurlandi eystra, sem nýtur aðstoðar tæknideildar lögreglunnar á höfuðborgarsvæðinu. „Rannsókn málsins er á algjöru frumstigi og mikil vinna lögreglu framundan. Vegna rannsóknarhagsmuna er því ekki hægt að veita frekari upplýsingar um það að svo komnu,“ segir lögreglan.

Tekin verður ákvörðun um hvort farið verður fram á gæsluvarðhald yfir einhverjum sakborninganna seinna í dag.

Í frétt RÚVum málið segir að sá látni og einn þeirra sem var handtekinn hafi átt í deilum í nokkurn tíma. Þá segir að sá handtekni hafi haft í hótunum við fjölskyldu hins látna fyrr á árinu og hótað syni hans lífláti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Engar áætlanir til um björgun ef skemmtiferðaskip lendir í vanda hér við land

Engar áætlanir til um björgun ef skemmtiferðaskip lendir í vanda hér við land
Fréttir
Í gær

Pútín ók sigurreifur yfir brúna sína en var niðurlægður af litlum drónum

Pútín ók sigurreifur yfir brúna sína en var niðurlægður af litlum drónum
Fréttir
Fyrir 2 dögum

Sprenging heyrðist langt inni í Rússlandi – Síðan kom torrætt úkraínskt tíst

Sprenging heyrðist langt inni í Rússlandi – Síðan kom torrætt úkraínskt tíst
Fréttir
Fyrir 2 dögum

Búðarþjófur hrækti í andlit afgreiðslumanns

Búðarþjófur hrækti í andlit afgreiðslumanns