Blaðið byrjar á að vitna í Vísi.is þar sem haft er eftir Birni Leví Gunnarssyni, þingmanni Pírata, að það hafi blundað lengi í honum að leggja fram þingsályktunartillögu um að kóróna og merki Kristjáns IX verði fjarlægt af þinghúsinu.
Því næst er vitnað í umfjöllun DV um leikinn þar sem fram kemur að Þorkell Gunnar Sigurbjörnsson, sjónvarpsmaður, hafi sagt að ekki sé hægt að treysta Dönum.
Síðan heldur blaðið áfram og vitnar í Twitterfærslur fjölda fólks um leikinn og fyrirsagnir fjölmiðla. Til dæmis: „Takk fyrir ekkert, Danir,“ sem var fyrirsögn Vísis á frétt um leikinn.
Meðal tísta sem er vitnað í er tíst Freys Rögnvaldssonar, blaðamanns hjá Stundinni, þar sem hann segir að einhverjir danskir landsliðsmenn hafi grætt vel á úrslitunum í gegnum veðmál.
Það eru einhverjir danskir landsliðsmenn að fara að casha inn í kvöld af þessu veðmála svindli sínu. #emruv #handbolti
— Freyr Rögnvaldsson (@freysirogg) January 26, 2022
Þá er einnig vitnað til fleiri tísta hjá íslenskum fjölmiðlamönnum, meðal annars tíst Einars Arnar Jónssonar, íþróttafréttamanns hjá RÚV, sem sagðist vera svo pirraður að hann nennti ekki einu sinni að blóta Dönum á dönsku. Þá var tíst Tómas Þórs Þórðarsonar, umsjónarmanns enska boltans hjá Símanun, dregið fram enda þurftu Danirnir ekki að þýða það – „Jeg hadder du so mykket Denmark!!!“ skrifaði Tómas Þór en eyddi síðar tístinu.
Ég er svo pirraður að ég nenni ekki einu sinni að blóta Dönum á dönsku. Fokk.
— Einar Örn Jónsson (@RanieNro) January 26, 2022
Á Facebooksíðu Ekstra Bladet hafa margir lagt orð í belg um fréttina og viðbrögð okkar Íslendinga.
Tommy Glensvold segir að ef Íslendingar hefðu sjálfir verið betri hefðu þeir sjálfir komið sér í undanúrslitin.
Torben Bøgedal Nielsen segir að samið hafi verið um úrslitin fyrirfram.
Kent Jørgensen segir að Íslendingar geti hans vegna gert hvað sem þeir vilja, Danir geti eiginlega ekki notað Ísland til neins.
Kent Jakobsen segir meðal annars: „Hvað hafa Íslendingar fært okkur annað en vonbrigði . . . og ekkert?“
