fbpx
Laugardagur 04.desember 2021
Fréttir

Neytendastofa sektar íranska teppasalann um 3 milljónir króna – Alvarlegt brot á lögum

Björn Þorfinnsson
Mánudaginn 18. október 2021 17:56

Ekki missa af Helstu tíðindum dagsins í pósthólfið þitt

Lesa nánar

Neytendastofa hefur sektað fyrirtækið Cromwell Rugs ehf. um 3 milljónir króna fyrir alvarlegt brot á ákvæðum laga um eftirlit og markaðsetningu.

Cromwell Rugs ehf. hefur staðið fyrir lagersölu með handofin persnesk teppi og vakti það verulega athygli í byrjun mánaðarins þegar fyrirtækið auglýsti teppin í Morgunblaðinu á dögunum. Þar var boðið uppá allt að 360 þúsund króna afslátt á sumum teppunum.

Í kjölfarið, þann 2. október, steig Egill Fannar Reynisson, framkvæmdastjóri Húsgagnahallarinnar, Betra Baks og Dorma, fram í viðtali við DV og gerði alvarlegar athugasemdir við að nýstofnað fyrirtæki væri að auglýsa afslátt af upphaflegu verði.

„Þú getur ekki boðið afslátt af upphaflegu verði ef varan hefur ekki verið í sölu. Um þetta gilda lög sem þarf að fara eftir. Hér er auglýstur risaafsláttur af einhverju bullverði. Auðvitað lætur fólk glepjast af svona risagylliboðum. Það er ekki búið að festa þetta verð í okkar regluverki þannig að þetta er algjörlega úr lausu lofti gripið,“ sagði Egill í samtali við DV.

Neytendastofa greip strax inn í málið og í sektarúrskurðinum sem birtist í dag kemur fram að þann 4. október hafi Neytendastofa sent forsvarsmönnum teppalagersins bréf þar sem óskað var eftir skýringum fyrirtækisins á eftirfarandi fullyrðingum. „COVID-19 og alþjóðlegar refsiaðgerðir gegn Íran hafa haft slæm áhrif á framboð okkar, heildsölu, viðskiptavini og sjóðsstreymi.“ og hins vegar „Upprunalegt verð er löggilt vátryggingargildi vörunnar. Hverju teppi fylgir verðmatsvottorð sem gefið er út af löglegum teppamatsmanni.“ Þá óskaði Neytendastofa eftir sönnunum á fyrra verði á vörum fyrirtækisins.

Í sektarúrskurðinum á heimasíðu Neytendastofu kemur fram að forsvarsmenn Cromwell hafi ekki með nokkru móti komið til móts við kröfur Neytendastofu né virt kröfur stofnunarinnar um að láta af hinni meintu villandi markaðssetningu á meðan málið væri í skoðun. Svörum hafi verið lofað í tölvupósti og að látið yrði af markaðssetningunni á meðan málið væri í gangi en ekki var orðið við því.

Neytendastofa sektaði því Cromwell Rugs ehf. um 3 milljónir eins og áður segir auk þess sem fyrirtækinu er bannað að viðhafa sömu viðskiptahætti áfram.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ómíkron afbrigðið komið til landsins

Ómíkron afbrigðið komið til landsins
Fréttir
Fyrir 2 dögum

„Fuck you perri“ – Hörður herjar á mörg börn í sama skólanum og foreldrar sameinast – Margar kærur framundan

„Fuck you perri“ – Hörður herjar á mörg börn í sama skólanum og foreldrar sameinast – Margar kærur framundan
Fréttir
Fyrir 2 dögum

Gunnlaugur Bragi tekur við formennsku Hinsegin daga á nýjan leik

Gunnlaugur Bragi tekur við formennsku Hinsegin daga á nýjan leik
Fréttir
Fyrir 2 dögum

140 greindust í gær – 477 börn skráð á göngudeild LSH

140 greindust í gær – 477 börn skráð á göngudeild LSH