fbpx
Laugardagur 04.desember 2021
Fréttir

Orðið á götunni: Átök bak við tjöldin um eignarhald á podcast þáttum Sölva Tryggva – Bað sjálfur um að efnið yrði fjarlægt

Heimir Hannesson
Sunnudaginn 17. október 2021 13:15

Sölvi Tryggvason Mynd/Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Samkvæmt heimildum Orðsins hafa undanfarnar vikur átt sér stað samningaviðræður milli fyrrum samstarfsmanna um framleiðslu og útgáfu á podcast þætti Sölva Tryggvasonar um eignarhald á þáttunum. Herma heimildirnar að allir 107 áður birtir þættir Sölva séu undir, en einnig áður óbirt efni.

Þann 12. maí, eða viku eftir að Sölvi var kærður til lögreglu, voru þættirnir umræddu teknir niður af öllum hlaðvarpsveitum og af YouTube rás hans. Kom fram í fréttum þá að „beiðni þess efnis“ hafi borist frá framleiðslufyrirtækinu og auglýsingastofunni KIWI, en KIWI framleiddi efnið með Sölva. Hið rétta er, samkvæmt heimildum Orðsins, að Sölvi hafi sjálfur óskað eftir því að þættirnir yrðu faldir.

Þættirnir hans Sölva voru óumdeilt vinsælustu hlaðvarpsþættir Íslands á sínum tíma. Samkvæmt upplýsingum DV hlustuðu 35 þúsund Íslendingar á hvern þátt, að meðaltali. Þá var mikil eftirspurn eftir því að komast í þáttinn sem viðmælandi. Var um það rætt á sínum tíma að það væri hreinlega slegist um að komast þar að. Stóðu stjórnmálamenn, pólitískir aðstoðarmenn þeirra og annað áhrifafólk í biðröðum á tröppum Sölva, áður en það breyttist svo allt í fyrstu vikunni í maí.

Á meðal viðfangsefna þáttanna sem um ræðir eru viðskiptajöfrar, afreksfólk í íþróttum, ráðherrar, leikarar, fjölmiðlafólk, vísindamenn og áhrifavaldar. Óvíst er hvort tilgangur átakanna um eignarhaldið sé að koma þáttunum aftur í birtingu, en þó herma óstaðfestar heimildir Orðsins að svo gæti vel farið að þeir verði komnir aftur í loftið innan tíðar.

Þátturinn þar sem Sölvi og lögmaður hans þáverandi, Saga Ýrr Jónsdóttir, ræddu ásakanir á hendur honum, var númer 107 og síðastur í röðinni. Var það jafnframt vinsælasti þáttur Sölva. Mun hann hafa farið í 100.000 áhorf á YouTube áður en hann var tekinn niður.

Líkt og DV sagði frá fór Sölvi erlendis skömmu eftir að ásakanirnar flutu upp á yfirborðið. Heyrðist hvorki né sást til hans um langa hríð þar til myndband náðist af Sölva hlaupandi á ströndinni í Barcelona. Mun hann hafa haldið til þar, að minnsta kosti í einhvern tíma.

Sjá nánar: Sölvi Tryggva á Spáni, ráðherra á úrslitaleik EM og LXS-skvísur lifa lífinu í sitthvorri stórborginni

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ómíkron afbrigðið komið til landsins

Ómíkron afbrigðið komið til landsins
Fréttir
Fyrir 2 dögum

„Fuck you perri“ – Hörður herjar á mörg börn í sama skólanum og foreldrar sameinast – Margar kærur framundan

„Fuck you perri“ – Hörður herjar á mörg börn í sama skólanum og foreldrar sameinast – Margar kærur framundan
Fréttir
Fyrir 2 dögum

Gunnlaugur Bragi tekur við formennsku Hinsegin daga á nýjan leik

Gunnlaugur Bragi tekur við formennsku Hinsegin daga á nýjan leik
Fréttir
Fyrir 2 dögum

140 greindust í gær – 477 börn skráð á göngudeild LSH

140 greindust í gær – 477 börn skráð á göngudeild LSH