fbpx
Föstudagur 26.nóvember 2021
Fréttir

Þórhildur Gyða lýsir meintri árás Kolbeins – „Ég hef aldrei verið jafn hrædd um líf mitt“

Ritstjórn DV
Miðvikudaginn 15. september 2021 20:35

mynd/skjáskot DV

Ekki missa af Helstu tíðindum dagsins í pósthólfið þitt

Lesa nánar

Þórhildur Gyða Arnarsdóttir er nýjasti gestur í Eigin konur, podcasti Eddu Falak. Þar lýsir Þórhildur upplifun sinni af samskiptum sínum við Kolbein Sigþórsson á skemmtistað í Reykjavík haustið 2018.

Þórhildur steig fyrst fram í viðtali við RUV í lok ágúst og lýsti þar árásinni og samskiptum sínum við bæði Kolbein og KSÍ í framhaldinu. Tilefni viðtalsins var yfirlýsing Guðna Bergssonar fyrrum formanns KSÍ, um að honum hefði ekki borist tilkynning um að leikmenn íslenska landsliðsins hefðu verið ásakaðir um kynferðislegt ofbeldi.

Síðar komu fram gögn um það að foreldri Þórhildar hafi óskað þess af Guðna að hann héldi trúnaði um málið. Þó hefur verið deilt um það síðan.

„Allt í einu er ég bara í chokehold og þá bara algjörlega frýs ég og ég vissi ekkert hvað ég átti að gera.“ Þannig lýsir Þórhildur hinni meintri árás Kolbeins. Þórhildur segist hafa tekið sprettinn inn á Hamborgarabúlluna, lamið á hurðina og komist inn á starfsmannasvæðið þar innaf á skemmtistaðnum sáluga. „Það fyrsta sem ég segi var: „Kolbeinn Sigþórsson er að reyna að drepa mig,““ segir Þórhildur í þættinum.

„Ég hef aldrei verið jafn hrædd um líf mitt, og bara orðlaus.“

Þórhildur segist hafa sagt við Kolbein að hún hafi óttast um líf hennar á sáttafundi sem haldinn var á milli Kolbeins, Þórhildar, Jóhönnu Helgu Jensdóttur og föður hennar í París. Kolbeinn hefur staðfastlega neitað því að hafa nokkurntímann játað að hafa brotið á Þórhildi, meðal annars í yfirlýsingu sem send var á fjölmiðla í kjölfar umfjöllunar um Þórhildi og viðtalið við hana. Þá hefur DV sagt frá því að viðkvæm staða Kolbeins hjá Nantes hafi orðið tilefni þess að Kolbeinn greiddi Þórhildi og Jóhönnu sitt hvora eina og hálfa milljónina, auk þess sem hann greiddi þrjár milljónir til Stígamóta. Tilefni sáttafundarins í París hafi verið að handsala þennan samning og ljúka málinu í sátt.

„Hann var mjög miður sin á þessum sáttafundi, og ég tók því alveg þannig að hann iðraðist. Hann baðst afsökunar,“ segir Þórhildur um samskipti sín við Kolbein í París. Þórhildur segist hafa orðið mjög hissa að lesa áðurnefnda yfirlýsingu Kolbeins.

Þátt Eddu Falak, Eigin konur, má sjá hér að neðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Orðið á götunni: Mexíkóreisa Dags borgarstjóra veldur titringi – Heiða Björg sögð sniðgengin

Orðið á götunni: Mexíkóreisa Dags borgarstjóra veldur titringi – Heiða Björg sögð sniðgengin
Fréttir
Fyrir 23 klukkutímum

Sveitarstjórn Húnaþings þreytt á biðinni og samþykkti að hópfjármagna nýjan Vatnsnesveg á Karolina Fund

Sveitarstjórn Húnaþings þreytt á biðinni og samþykkti að hópfjármagna nýjan Vatnsnesveg á Karolina Fund
Fréttir
Fyrir 2 dögum

Benedikt segir „hrikalegar fréttir“ berast út um bakdyr Ráðhússins á Akureyri – Veltir fyrir sér hvort brögð séu í tafli

Benedikt segir „hrikalegar fréttir“ berast út um bakdyr Ráðhússins á Akureyri – Veltir fyrir sér hvort brögð séu í tafli
Fréttir
Fyrir 2 dögum

Óbólusettum meinaður aðgangur í Mæðrastyrksnefnd – „Við erum að reyna að gera rétta hluti“

Óbólusettum meinaður aðgangur í Mæðrastyrksnefnd – „Við erum að reyna að gera rétta hluti“