Samkvæmt heimildum DV var lögregla og sjúkralið kallað út í Sundhöll Reykjavíkur í dag vegna manns sem fannst hreyfingarlaus í lauginni. Herma heimildirnar að maðurinn, sem var á miðjum aldri, hafi verið dreginn upp úr lauginni af sundlaugarvörðum sem reyndu endurlífgun. Skömmu síðar komu sjúkraflutningamenn og lögreglu á staðinn.
Samkvæmt upplýsingum frá lögreglu barst lögreglu tilkynning um málið klukkan 12:02. Lögregla var send á staðinn ásamt sjúkraliði og er atvikið skráð sem „endurlífgun“ í bókum þeirra.
Sigurður Víðisson Sundhallarstjóri gat ekki tjáð sig um málið þegar DV hafði samband. Eins segist Slökkvilið höfuðborgarsvæðisins ekki geta veitt upplýsingar um málið að svo stöddu.
