Það er alltaf af nægu að taka í snyrtivöruheiminum hérlendis og um þessar mundir eru sölustaðir snyrtivörumerkjanna fullar af spennandi nýjungum. Það er þá ekki seinna en vænna að fara yfir brot af því besta sem er nú þegar komið í búðir. Hér sjáið þið þær nýjungar sem eru að vekja sérstaklega mikla lukku hjá aðdáendum L‘Oreal Paris
Þetta er án efa nýjungin sem á eftir að slá í gegn því lengi hefur vantar akkurat svona vöru frá L‘Oreal hér á Íslandi og margir beðið spenntir eftir þessu spreyi sem hefur áður fengist erlendis. Fixing Mistið setjið þið yfir húðina þegar förðunin er klár og með hjálp þess aðlagar förðunin sig betur að húðinni og hún endist lengur. Munið bara að hrista brúsann mjög vel fyrir notkun.
Þessi maskari er alveg glænýr hjá merkinu og kemur svakalega á óvart. Maskarinn er með gúmmíbursta sem er eins og hann sé snúinn en þannig nær maskarinn að lyfta augnhárunum frá augunum betur en aðrir og vegna formúlunnar haldast augnhárin uppi allan daginn. Með þessum er leikur einn að fá ýkt og glæsileg augnhár og svo er hann bara í svo fallegum umbúðum!
Color Correcting eða litaleiðrétting er nýja stóra trendið í förðunarheimum þessa dagana. Þessa töfra hafa heimsins bestu förðunarfræðingar nýtt sér í áratugi en nú er þessi tækni fáanleg fyrir alla og þetta er auðveldara en það lítur út fyrir. Litirnir í pallettunni eru allir kremkenndir, byrjið á því að grunna húðina með góðum primer og setjið svo græna litinn á roða, fjólubláa þar sem húðin er þreytt eða þið viljið aukinn ljóma. Húðlituðu tónana getið þið svo notað til að hylja og móta andlitið. Með hjálp svamps blandið litina inní húðina, mýkið útlínur þeirra og berið svo farðann yfir og litirnir hverfa og um leið óvelkomnu litirnir í ykkar húð. Svo auðvelt að þið verðið bara að prófa.
Glam Beige er ný lína frá L‘Oreal fyrir grunnförðun. Í henni finnið þið lituð dagkrem sem gefa húðinni létta áferð en svo sannarlega sólkysstan ljóma. Þetta eru vörur sem eiga heima í snyrtibuddunni þegar húðin er komin með frísklegan lit. Auk kremanna koma púður sem má nota yfir allt andlitið eða á hápunkta þess til að fá fallegan sólarlit.
Brow Xpert augabrúnablýantar
Augabrúnir… augabrúnir… augabrúnir – hvað er meira ómissandi til að fullkomna förðunina þessa dagana en einmitt þær. Nú eru komnir þríhyrndir augabrúnablýantar sem gefa mattan og flottan lit í brúnirnar. Með þessum flotta oddi er ennþá auðveldara að þétta, ramma inn og fylla inní augabrúnirnar. Það besta eru allir litirnir sem eru til í Brow Xpert en þeir eru fimm og aldrei áður hafa komið svona margir litir af einum augabrúnablýanti frá L‘Oreal Paris.
Auk þessara vara sem við teljum upp hér fyrir ofan má finna nýja maskara, primer og fullt af æðislegum eyelinerum og alls konar fleira girnilegt í stöndum L‘Oreal!
Endilega kíkið við á þann sölustað sem er næstur ykkur til að ná ykkur í eitthvað gómsætt til að bæta í snyrtibudduna.
