fbpx
Laugardagur 21.maí 2022
Fókus

Tilsvar Sindra veldur usla: Aumingja kúgaði hvíti ófatlaði epalhomminn – Vigdís Hauks lýsir yfir ást sinni

Prestur telur að atvikið sýni hversu lítið íslenskt samfélag sé

Björn Þorfinnsson
Þriðjudaginn 7. mars 2017 18:15

Ekki missa af Helstu tíðindum dagsins í pósthólfið þitt

Lesa nánar

Viðtal Sindra Sindrasonar við Töru Margréti Vilhjálmsdóttur, formann Samtaka um líkamsvirðingu hefur vakið gríðarlega athygli í dag. Viðtalið snerist um grasrótarhátíðina Truflandi tilvist sem haldin var um helgina. Sindri spurði þá Töru hvort að fordómar byggju ekki innra með hverjum og einum en þá Tara að þessi skoðun væri sem töluð úr munni einhvers í forréttindastöðu.

Sindri brást ókvæða við og svaraði með þjósti:

„Veistu hvað ég er í mörgum minnihlutahópum? Ég er hommi, ég á litað barn, það er ættleitt, ég er fyrsti samkynhneigði maðurinn til að ættleiða á Íslandi, ég er giftur útlendingi – eða hálfum útlendingi – þannig að við skulum ekki fara þangað.“

Telja ólíklegt að Sindri hafi upplifað fordóma

Mynd: Bjarni Eiríksson

Þetta niðurlag viðtalsins hefur vakið upp miklar umræður á samfélagsmiðlum. Forsvarsmenn Truflandi tilvistar sendu meðal annars frá sér yfirlýsingu þar sem þeir lýstu yfir vonbrigðum með skilningsleysi Sindra gagnvart reynslu og lífsskilyrðum jaðarsettra einstaklinga.

„Það hversu mörgum minnihlutahópum Sindri tilheyrir kemur málinu lítið við því ef skoðun hans er sú að fordómar séu „soldið bara inni í okkur sjálfum“ þá er fullkomlega rökrétt að draga þá ályktun að hann hafi ekki fundið fyrir miklum fordómum á eigin skinni. Í því felast forréttindi. Það er ólíklegt að Sindri hafi upplifað fordóma vegna fitu, fötlunar, þess að vera intersex, trans, fátækur eða með dökkan húðlit jafnvel þó hann búi við jaðarsetningu þegar litið er til annarra þátta. Að auki hefur hann þau forréttindi að hafa fengið að ættleiða, sem margir jaðarhópar búa ekki við,“ segir í yfirlýsingunni.

Uppnefnir Sindra „epalhommann“

Mynd: © Eyþór Árnason

Aðrir eru harðorðari. Morgunblaðið greinir frá því að á Facebook-síðu Töru Margrétar segir Hildur Lilliendahl Viggósdóttir:

„ Jaðarsetningin á Sindra Sindrasyni ætlar bara ekki að stoppa. Allar fiðlurnar og öll kertin fyrir hann. Mér er skapi næst að kveikja í hárinu á mér fyrir aumingja kúgaða hvíta ófatlaða epalhommann með alla sjónvarpsþættina.“

Vigdís Hauksdóttir er ekki á sama máli og lýsir yfir eindregnum stuðningi við sjónvarpsmanninn: „Mikið er Sindri flottur í þessu viðtali – hann er hann sjálfur og er afar ánægður með það – hamingjusamur maður og sáttur við sitt,“ segir alþingiskonan fyrrverandi.

Presturinn Hildur Eir Bolladóttir er með öllu hóflegri nálgun og telur að uppákoman sýni hversu lítið samfélag Ísland er. Að hennar mati er því afar slæm hugmynd að stærstu vefmiðlar séu með athugasemdakerfi:

„Sindri gerir sennilega ráð fyrir því að Tara viti einhver deili á honum eins og svo mörg okkar gera en hún sér hins vegar bara ungan hvítan mann í jakkafötum og góðri stöðu sem fréttaþulur á annarri af stærstu sjónvarpsstöðvum landsins, kannski er hún bara ein af tíu á Íslandi sem ekki veit að Sindri er hommi.

Mynd: DV ehf / Sigtryggur Ari

Ég hef samúð með þeim báðum í þessum aðstæðum en fyrst og fremst er þetta atvik afhjúpun á smæð okkar þjóðar og um leið svolítið fallegur vitnisburður um það hvað við erum öll tengd, þess vegna er til dæmis rosalega vond hugmynd að hafa kommentakerfi á íslenskum vefmiðlum, ef þetta getur gerst í sjónvarpi þá eru kommentakerfin augljóslega of stór vettvangur fyrir annars lítið samfélag, ef við getum ekki rætt fordóma með nokkuð yfirveguðum hætti í sjónvarpi þá er alveg ljóst að við gerum það ekki á kommentakerfunum,“

segir Hildur Eir og klykkir út með að henni finnist Sindri og Tara bæði mjög fallegar manneskjur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Þorbjörg svarar gagnrýni um að fyrirsæta sé „of feit“ – „Ef þú hefur áhyggjur af heilbrigði mínu ertu velkominn með mér á æfingu“

Þorbjörg svarar gagnrýni um að fyrirsæta sé „of feit“ – „Ef þú hefur áhyggjur af heilbrigði mínu ertu velkominn með mér á æfingu“
Fókus
Í gær

Svona skiptir Cardi B um bleiur með löngu nöglunum sínum

Svona skiptir Cardi B um bleiur með löngu nöglunum sínum
Fókus
Fyrir 3 dögum

Matur&heimili: Matartöfrar frá Túnis og landsliðskonan Elísa Viðarsdóttir

Matur&heimili: Matartöfrar frá Túnis og landsliðskonan Elísa Viðarsdóttir
Fókus
Fyrir 3 dögum

Dóttir Heidi Klum í kjól móður sinnar 24 árum seinna

Dóttir Heidi Klum í kjól móður sinnar 24 árum seinna
Fókus
Fyrir 4 dögum

Vítalía hneyksluð á Eiríki Jónssyni – „Á ég að hlæja núna?“

Vítalía hneyksluð á Eiríki Jónssyni – „Á ég að hlæja núna?“
Fókus
Fyrir 4 dögum

Glæsileg penthouse íbúð Stellu Birgis innanhússhönnuðar komin á sölu

Glæsileg penthouse íbúð Stellu Birgis innanhússhönnuðar komin á sölu