DV ræðir við fyrrverandi barnastjörnur – Sturla lék Benjamín Dúfu í einni ástælustu barnamynd íslenskrar kvikmyndasögu
„En þetta er svolítið súrrealískt í minningunni. Ég fékk mörg hundruð bréf send heim og man eftir heilu stelpuhópunum sem komu og bönkuðu upp á til að spjalla,“ segir Sturla Sighvatsson sem fór með hlutverk Benjamín Dúfu í samnefndri kvikmynd árið 1994. Hann kveðst svo sannarlega ekki sjá eftir þessum tíma, jafnvel ekki þó að hlutverkið Benjamíns hafi fylgt honum fram á fullorðnisár. Enn í dag komi ókunnugt fólk upp að honum og láti í ljós hrifningu sína á myndinni.
Í helgarblaði DV er rætt við nokkra einstaklinga sem voru áberandi í sviðsljósinu á Íslandi sem börn og unglingar en ákváðu eftir það að láta gott heita og snúa sér að öðrum hlutum.
Þetta var frábær tími og þessi reynsla mótaði mig mjög mikið sem persónu. Þá meina ég á góðan hátt. Ég bý að þessu alla ævi. Það er þroskandi fyrir krakka á þessum aldri að að vera settur inn á ákveðinn ramma og vera að vinna í þessum fullorðinsheimi.“
Hann segir fólk svo sannarlega ekki hafa gleymt Benjamín dúfu. „Fólk er endalaust á minnast á hann við mig! Árum saman fékk ég að heyra kallað „Hei, Benjamín dúfa!“ á eftir mér niðri í bæ. Stelpur hafa komið upp að mér á barnum og sagt að ég sé æskuástin þeirra á meðan strákar hafa heimtað að fá taka mynd af sér með mér,“ segir Sturla sem kveðst þó kippa sér lítið upp við áreitið.
[youtube https://www.youtube.com/watch?v=Hrx4PeYH-tU&w=600&h=360]
