Bandaríska innflytjendastofnun ICE gerði á dögunum þau pínlegu mistök að reyna að vísa ungri konu af frumbyggjaættum úr landi. Hin 24 ára gamla Leticia Jacobs, sem er fædd í Phoenix og tilheyrir Salt River Pima-Maricopa þjóðflokknum í Arizona, hafði gerst sek um að keyra bifreið án gildra ökuskírteina og var vistuð í fangelsi í Iowa í nokkra daga. Degi áður en hún átta að vera látin laus var móður hennar tjáð að ICE hygðist láta flytja hana úr landi. Hvert fylgdi þó ekki sögunni.

Fjölskylda Jacobs brugðust fljótt við, sendu út ákall á samfélagsmiðla og komu gögnum á framfæri við fangelsið.

Rúmlega sólarhring síðar var Jacobo sleppt úr haldi og eru útskýringar yfirvalda á þau leið að um „mannleg mistök hafi verið að ræða“. Brottflutningstilskipunin hafi gilt um annan fanga en farið fyrir mistök á Jacobo.

Fjölskylda Jacobo efast þó um að um saklaust mistök hafi verið að ræða. Frænka hennar segir að Jacobo hafi bæði haft með sér ættbálkaskírteini, tekin hafi verið af henni fingraför, persónunúmer kennar skráð og hún áður dvalið í sama fangelsi. „Af hverju yrðu svona mistök með einhvern sem hefur verið þarna áður?“ spurði hún og benti á að fleiri frumbyggjar hafi nýverið verið teknir ranglega fyrir af innflytjendaeftirliti.