fbpx
Föstudagur 22.október 2021

Erlent jóladagatal fimmta árið í röð

Danskt jóladagatal í ár

Ari Brynjólfsson
Föstudaginn 1. desember 2017 17:30

Ekki missa af Helstu tíðindum dagsins í pósthólfið þitt

Lesa nánar

Jóladagatal Ríkissjónvarpsins hefur verið fastur liður á heimilum íslenskra barna í nánast þrjá áratugi. Jóladagatöl eiga sér langa sögu en eru tiltölulega nýtt fyrirbæri hér á landi samanborið við hin nágrannalöndin. Sænska ríkisútvarpið byrjaði með jóladagatal í útvarpi árið 1957 og 1960 í sjónvarpi. Danir komu fljótlega á eftir með jóladagatal árið 1962. Norðmenn hófu útsendingar árið 1970 en við Íslendingar ekki fyrr en árið 1988. Ekkert jóladagatal var sýnt árið 1989, en síðan 1990 hefur þessi siður fests sig í sessi.

Umfjöllun DV um fyrsta jóladagatal Sjónvarpsins.
Umfjöllun DV um fyrsta jóladagatal Sjónvarpsins.

Fyrstu árin fengu íslensk börn alltaf nýtt íslenskt jóladagatal á hverju ári, var það ekki fyrr en árið 1993 sem sýnt var erlent jóladagatal, en þá voru það Jól í Múmíndal. Tveimur árum síðar var svo fyrsta endursýningin þegar Á baðkari til Betlehem var sýnt aftur fimm árum eftir frumsýninguna. Sama dagatal var svo sýnt aftur 2004. Fjögur jóladagatöl hafa verið sýnd þrisvar, fyrir utan Á baðkari til Betlehem eftir Sigurð G. Valgeirsson & Sveinbjörn I. Baldvinsson, eru það Jól á leið til jarðar eftir Friðrik Erlingsson & Sigurð Örn Brynjólfsson, Stjörnustrákur eftir Sigrúnu Eldjárn og Hvar er Völundur? með Gunna og Felix eftir Þorvald Þorsteinsson. Hér má sjá lista yfir jóladagatöl RÚV, DV hefur fengið
listann staðfestan frá safnadeild RÚV.

Síðustu ár hafa jóladagatölin komið frá hinum Norðurlöndunum, byrjaði það með norsku jóladagatali árið 2010, var það þá gert vegna niðurskurðar. Fyrir utan árið 2012 þegar Hvar er Völundur? var endursýndur og árið 2014 þegar RÚV frumsýndi íslenskt 13 daga jóladagatal tileinkað jólasveinunum samhliða dönsku jóladagatali, hefur RÚV ekki sýnt íslensk jóladagatöl. Norrænu jóladagatölin hafa fengið nokkra gagnrýni, mest árið 2015 þegar það var sýnt textað en ekki talsett. Árið 2017 er engin undantekning á norrænum jóladagatölum, í kvöld byrjar danska jóladagatalið Snæholt, eða Snøfall. Fjallar það um Selmu, 9 ára munaðarlausa stúlku sem á þó ósk heitasta að eignast alvöru fjölskyldu og biður hún því jólasveininn um hjálp.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 5 klukkutímum

Biden segir að Bandaríkin muni verja Taívan fyrir Kína

Biden segir að Bandaríkin muni verja Taívan fyrir Kína
Eyjan
Fyrir 5 klukkutímum

„Eyþór Arnalds getur haldið áfram að vona en staða hans virðist nánast vonlaus“

„Eyþór Arnalds getur haldið áfram að vona en staða hans virðist nánast vonlaus“
Pressan
Fyrir 9 klukkutímum

Alec Baldwin skaut konu til bana við upptöku á kvikmynd

Alec Baldwin skaut konu til bana við upptöku á kvikmynd
Fréttir
Fyrir 14 klukkutímum

Sigurður verður fyrir áreiti og einelti unglinga í Laugarneshverfi – „Farðu í meðferð“

Sigurður verður fyrir áreiti og einelti unglinga í Laugarneshverfi – „Farðu í meðferð“
Fréttir
Fyrir 16 klukkutímum

Jóhannes uppljóstrari verðlaunaður og fær 15 milljónir – „Þeir þurfa að borga allt til baka sem þeir tóku“

Jóhannes uppljóstrari verðlaunaður og fær 15 milljónir – „Þeir þurfa að borga allt til baka sem þeir tóku“
Fókus
Fyrir 16 klukkutímum

Tommi þingmaður á ferð og flugi – „Þetta er Hulda sem breytti mér í kött“

Tommi þingmaður á ferð og flugi – „Þetta er Hulda sem breytti mér í kött“