Sjö lög munu keppa á úrslitakvöldi Söngvakeppninnar í kvöld og berjast þar um atkvæði Íslendinga til að komast á Eurovision sem haldið er í Úkraínu að þessu sinni.

DV fjallaði um það fyrr í vikunni hvert þessara laga væri vinsælasta á YouTube, en hvað með Spotify?

Í ljós kemur að nokkur lög hafa sætaskipti frá fyrri athugun DV. Svala Björgvinsdóttir var langvinsælust á YouTube en þarf að hafa sætaskipti við Aron Hannes þegar Spotify-vísitalan er skoðuð. Alls hafa íslenska og enska útgáfan af laginu sem Aron Hannes flytur fengið ríflega 85 þúsund spilanir á Spotify, á meðan Svala hefur fengið ríflega 66 þúsund.

Lesendur kveða upp sinn dóm Svala Björgvins á vinsælasta lagið í úrslitunum ef marka má niðurstöðu skoðanakönnunar DV.is. Hlaut 56,3% atkvæða.

Alls hafa lögin sjö í úrslitunum fengið rúmlega 314 þúsund spilanir á Spotify, sem verður að teljast nokkuð gott.

DV spurði lesendur hér á DV.is á mánudag hvert þeirra uppáhaldslag væri í úrslitunum. Skemmst er frá því að segja að Svala vann þá kosningu með nokkrum yfirburðum. Hlaut 56,3% atkvæða, Daði Freyr var annar með 16,7% en fast á hæla hans kom Aron Hannes með 15,2% en 833 atkvæði bárust í könnuninni.

Spotify-vísitala úrslitalaganna

Tölur miðað við stöðuna á Spotify-rás Söngvakeppninnar 10.03 2017 – kl: 10:00