Hannes Hólmsteinn Gissurarson fagnaði 64 ára afmæli sínu um helgina. Hann dvelur nú um stundir í Ríó de Janeiro og kíkti út að borða með systurdóttur sinni í tilefni dagsins. Á mánudagskvöldið bauð hann svo vinum og kunningjum í matarboð þar sem matseðillinn samanstóð af hráskinku með fíkjum og nautalund í gorgonzola-sósu, svo eitthvað sé nefnt af þeim kræsingum sem prófessorinn þuldi upp. „Ég er heppnari en flest önnur dýr, sem uppi hafa verið á jörðinni, því að ég hef ekki verið étinn og haft nóg að éta,“ sagði Hannes að lokum.
