Í miðjum undirbúningi og sögusögnum um margra daga brúðkaupsveislu hafa færslur helstu brúðkaupsþjónustuaðila vakið vangaveltur um að tónlistarkonan Taylor Swift og NFL-leikmaðurinn Travis Kelce séu þegar gift.
Það hefur verið endalaust fjallað um að parið muni ganga leynilega í hjónaband fyrir stóra daginn sinn í Madison Square Garden þann 2. júlí. Og um helgina skrifaði einn af þekktustu brúðkaupsþjónustuaðilum vestanhafs færslur um vinnu við viðburð sem gerist einu sinni á ferlinum. Brúðkaupshönnuðurinn Rishi Patel, sem sagður hefur verið að vinna við undirbúning brúðkaups Swift og Kelce, birti tilfinningaþrungin skilaboð á Instagram-síðu sinni sem virtust gefa í skyn stórviðburð.
„Í dag spurði ég 23 samstarfsmenn mína hvort þá hefði einhvern tíma dreymt um eða ímyndað sér að þeir yrðu hluti af því sem við sköpuðum í dag, þegar þeir byrjuðu í viðburðageiranum (á tímabilinu 7 til 45 ár) ... og svarið var einróma nei,“ skrifaði hann.
„Það í sjálfu sér þýðir meira en ég get nokkurn tímann útskýrt.Ég get ekki beðið eftir að deila því sem við sköpuðum,“ bætti hann við, „en í bili er ég bara eilíflega þakklátur fyrir þá sem þýða meira fyrir mig en ég gæti nokkurn tímann útskýrt.“
Heimildarmaður sagði við Page Six: „Rishi er svo háttsettur og vinnur með risastórum viðskiptavinum allan tímann svo að þetta skuli vera svona stórmál ... Þetta er allt svo Taylor-kóðað.“
Samantha Roberts, sem á samfélagsmiðlafyrirtæki sem er þekkt fyrir „stefnumótandi skipulagningu á kynningum brúðkaupa og sköpun stafrænna stunda sem dreifast um internetið,“ birti einnig færslu af mikilli eftirvæntingu um vinnuna að sama viðburði.
„Í kvöld var hápunktur starfsferilsins,“ skrifaði Roberts. „Fyrir 15 árum kom ég til New York vegna þess að ég elskaði viðburði. Ég dreymdi um að einn daginn myndi ég vinna við viðburði eins og þann sem ég vann við í kvöld.“
Hún merkti fræga brúðkaupsskipulagsgúrúinn Marcy Blum í færslu sína.
Blum svarar Page Six með þeim orðum að veislan hafi ekki verið fyrir stjörnuparið heldur „frábær sumarveisla fyrir uppáhaldsviðskiptavin minn.“ Við vorum að vinna með okkar uppáhalds og oft samstarfsfólki,“ útskýrði Blum. „Rishi sá um hönnunina. Olivier Cheng sá um veitingarnar. Allan Zepeda myndirnar. Og þar var mikið af frægu fólki: Jerry Seinfeld, Knicks, Rockettes og Chris Martin.“
Blum, sem gifti LeBron og Savannah James; Kevin Bacon og Kyra Sedgwick; Billie Joel og Katie Lee; og Nate Berkus og Jeremiah Brent svo einhverjir séu nefndir, birti síðar myndband á samfélagsmiðlum sem virtist sýna glæsilega veislu fyrir New York Knicks.
Í færslu Roberts var einnig merktur fremsti brúðkaupsljósmyndarinn Allan Zepada, en myndir hans hafa birst í Vogue og Harper's Bazaar. Hann vinnur oft með Blum að viðburðum og ljósmyndaði brúðkaup Serenu Williams og Alexis Ohanian.
Swift og Kelce eru tilbúin að halda risastórt brúðkaup í Madison Square Garden í New York í þessari viku, þó það hafi ekki hægt á sögusögnum um að þau muni segja „já“ fyrirfram.
Parið ætlar að halda lítinn viðburð 2. júlí og risaveislu daginn eftir. Meðal gesta eru Ed Sheeran, Gigi Hadid, Haim-systurnar, Sombr, Suki Waterhouse, Cara Delevingne, Mariska Hargitay og Andy Reid, þjálfari Kansas City Chiefs.
