Mýkt, glæsileg prjónabók, inniheldur 22 uppskriftir að sígildum kvenflíkum; opnum og heilum peysum, ermalausum toppum, húfum, sjölum, sokkum og handstúkum. Falleg kaðlamynstur og gataprjón einkenna hönnunina og hvarvetna er hugsað út í fínleg smáatriði. Flestar uppskriftanna bjóða upp á fjölbreyttar stærðir auk þess sem verkefnin í bókinni henta bæði byrjendum og lengra komnum.

Sari Nordlund er einn af vinsælustu prjónahönnuðum Finnlands, þekkt fyrir vel sniðnar flíkur og vandaðar uppskriftir. Markmið hennar er að hanna sígildan fatnað sem gleður eigandann árum saman.

Guðrún Hannele Henttinen þýddi bókina sem er bók mánaðarins hjá Forlaginu.

Hér fyrir neðan er uppskrift að treflinum TERPSÍKORA, sem birt er með góðfúslegu leyfi Forlagsins. Prjónaunnendur og einnig byrjendur sem vilja læra tökin á prjónamennsku geta látið sig hlakka til því um helgina verður útgáfu bókarinnar fagnað í Storkinum, þar sem boðið verður upp á kaffi og veitingar, og að lokum samprjón á TERPSÍKORA.

Síðar í mánuðinum verður námskeið fyrir byrjendur í prjóni, í Petiteknit peysuprjóni og leikfangahekli. Samprjón á Champagne jakkapeysu verður svo 24. september. Storkurinn er í Síðumúla 20, Reykjavík og sjá má haustdagskrá hér neðst í greininni.

Haustdagskrá Storksins:

Sari Nordlund dagur verður laugardaginn 6. sept.

Samprjón á Terpsíkora treflinum hefst 6. sept.

Námskeið í Petiteknit peysuprjóni hefst 16. sept.

Námskeið fyrir byrjendur í prjóni hefst 18. sept.

Samprjón á Champagne jakkapeysunni hefst 24. sept.

Námskeið í leikfangahekli hefst 7. okt.