Shakira, 47 ára, var stödd á næturklúbbi í Miami um helgina og steig á svið til að sýna fræga danstakta við nýja lag hennar, „Soltera“. Hún sá síðan áhorfanda vera að taka myndband upp undir kjólinn hennar. Hún gaf honum bendingar um að hætta því og hélt áfram að dansa í stutta stund, þegar hún tók eftir því að hann væri enn að taka upp rauk hún af sviðinu.
@shakira 👍 pic.twitter.com/TbmdgwVI8c
— ADALBERTO LLINAS ®️ (@AdalbertoLlinas) September 15, 2024
Myndband af atvikinu hefur farið eins og eldur í sinu um netheima og lýstu margir yfir mikilli reiði í garð áhorfandans.
„Listafólk verðskuldar virðingu, bæði á sviði og utan sviðsins. Það er nauðsynlegt að umhverfið sé öruggt fyrir alla aðila,“ sagði einn netverji.
Shakira hefur ekki tjáð sig um málið að svo stöddu.
