Í miðjum mögulegum skilnaðarstormi hefur stórstjarnan Jennifer Lopez loks fengið jákvæða niðurstöðu í sölu hennar á þakíbúð hennar í Madison Square Park. Íbúðin er seld eftir að hafa verið á markaðinum í sjö ár. New York Post greindi frá því að íbúðin hefði selst fyrir 23 milljónir dala í síðustu viku. Íbúðin er meðal annars með fjögur svefnherbergi, 7 og hálft baðherbergi, einkalyftu, starfsmannaíbúð og nokkrar verandir. Ekki var greint frá nafni kaupanda.
Lopez keypti íbúðina árið 2014 og setti hana á sölu þremur árum seinna á 27 milljónir dala og var íbúðin síðan margoft tekið úr sölu og sett aftur á sölu. Árið 2022 var hún auglýst á 25 milljónir dala og seldist að lokum fyrir 23 milljónir dala. Samkvæmt New York Post vildi Lopez selja þar sem lítill skortur væri á næði fyrir ofan iðandi mannlíf Madison Square Park.
Whitman byggingin er aðeins sex hæða há og fyrir verðmiðann sem Lopez setti á hana gæti þeim sem nóg eiga af peningum ekki þótt íbúðin vera nógu hátt uppi. Byggingin er einnig inn á milli tveggja miklu hærri bygginga og jafnframt sú stysta af þeim.
Sjá einnig: J. Lo loksins laus við slottið – 7 ár í sölu og verðmiðinn lækkaður um milljónir
Á sama tíma hefur eiginmaður Lopez, leikarinn og leikstjórinn Ben Affleck keypt glæsilega villu fyrir 20,5 milljón dala í Pacific Palisades í Los Angeles, hús sem er ekki langt frá heimili fyrrum eiginkonu hans og barnsmóður og þriggja barna þeirra. Húsið er meðal annars með fimm svefnherbergi, sex baðherbergi, stórt og bjart eldhús, rúmgóða stofu og glæsilegt útisvæði.
Hjónin settu einbýlishús sitt í Beverly Hills á sölu fyrr í mánuðinum, en nær daglega birta fjölmiðlar vestanhafs fréttir af yfirvofandi skilnaði þeirra. Húsið er verðlagt á 68 milljónir dala, sem er sjö milljónum meira en þau keyptu það á snemma árs 2023.
Sjá einnig: Beverly Hills höll Bennifer formlega komin í sölu – Sjáðu myndirnar
