Það á ekki af Katrínu hertogaynju að ganga. Eftir myndaskandalinn fyrir stuttu tengdan mæðradagsmynd hennar með börnum sínum þar sem ljósmyndasérfræðingar fundu að minnsta kosti 16 atriði sem átt hafði verið við í myndvinnslu hefur ársgömul mynd verið dregin aftur fram í sviðsljósið og Katrín sökuð um að hafa átt við hana líka.
Myndin sem um ræðir er mynd sem Katrín af Elísabetu drottningu heitinni og barnabörnum hennar og barnabarnabörnum. Myndin var birt af Buckinghamhöll á deginum sem Elísabet hefði orðið 97 ára, 21. apríl 2023, en hún lést 8. september 2022.
Þrátt fyrir að myndin hafi verið á netinu í næstum ár, tilkynnti Getty Images á mánudag að átt hefði verið við myndina í myndvinnslu. „Getty Images hefur farið yfir myndina sem um ræðir þar sem fram kemur að myndinni hafi verið breytt fyrir birtingu,“ sagði talsmaður Getty við The Telegraph.
Myndina tók Katrín í fjölskylduferð til Balmoral sumarið 2022. Með drottningunni eru börn Katrínar og Vilhjálms Bretaprins, Georg, 10 ára, Charlotte, átta ára, og Lúðvík, fimm ára, ásamt frændsystkinum þeirra.
View this post on Instagram
Í frétt Telegraph er bent á „nokkur ósamræmi“, þar á meðal lóðrétta lína þar sem mynstrið á pilsi drottningar passar ekki samar og stafræn endurtekning á hári Mia Tindall, en í greininni er bent á sjö mismunandi frávik.
