Fatahönnuðurinn Donatella Versace, 69 ára, kom aðdáendum verulega á óvart þegar hún birti nýjar myndir af sér á Instagram og er óhætt að segja að hún sé nær óþekkjanleg.

Myndirnar hafa farið eins og eldur í sinu um netheima og vilja netverjar ólmir vita hvað hún lét gera við andlitið á sér.

Það eru ýmsar kenningar á sveimi um breytt útlit hennar, eins og hún hafi lagst undir hnífinn hjá mjög færum lýtalækni. Jafnvel sami lýtalæknir og leikkonan Lindsay Lohan og söngkonan Christina Aguilera eiga unglegu útliti sínu að þakka.

there’s a new surgeon in hollywood doing wonders… like look at the material https://t.co/RLK1TvXFpN pic.twitter.com/0yIyGFohDZ

— pop culture gal (@allurequinn) December 3, 2024

Það var sérstaklega ein mynd á Instagram-síðu hennar sem vakti mikla athygli, en það er ótrúlegur munur á tískugyðjunni.

En margir hafa bent á að myndinni hafi greinilega verið breytt og svona lítur hún ekki út í raun og vera.

Hér að neðan má sjá mynd frá Getty Images sem sýnir hana í réttu ljósi. Samt sem áður hefur orðið mikil breyting á henni.