Samband Kanye og Censori hefur verið á milli tannanna á fólki og var greint frá því í gær að Kanye hefði bannað henni að nota samfélagsmiðla. Er Kanye sagður gera þetta til að „vernda“ hana og svo hún þurfi ekki að lesa neikvæðar athugasemdir um sig á netinu.
Hefur Kanye verið gagnrýndur fyrir að vera stjórnsamur og hafa gamlar vinkonur Censori lýst yfir áhyggjum af henni. Þá hefur klæðaburður hennar, eftir að hún byrjaði með tónlistarmanninum, vakið ýmsar spurningar.
Atvikið í gær átti sér stað þegar Kanye var á leið til athafnar þar sem tónlistarmaðurinn Charlie Wilson fékk stjörnu í gangstéttina við Hollywood Boulevard. Reyndi blaðakonan að bera upp spurningu um Censori og hvort hún hefði frjálsan vilja. Þá vildi hún vita hvort hann stjórnaði henni.
Blaðakonan rétt náði að ljúka spurningunni þegar Kanye reif af henni símann og hraunaði yfir hana. „Ekki koma upp að mér með eitthvað svona kjaftæði. Ég er manneskja. Ertu rugluð?“
West hélt áfram og spurði hvort hún væri í vinnu fyrir sjálfan djöfulinn. Þá endaði hann á að bjóða henni vinnu og tvöfalda þau laun sem hún er með í dag. Blaðakonunni virtist vera nokkuð brugðið ef marka má myndir frá uppákomunni. Hér að neðan má sjá myndband frá TMZ en í fréttinni sjálfri er svo hægt að sjá annað myndband af uppákomunni.
