Talsmaður rapparans staðfesti fréttirnar við Page Six í gær.
Kanye hefur verið að spá í þessu í dágóðan tíma og „virðist vera harðákveðinn að kýla á það,“ sagði talsmaðurinn.
Kanye hefur verið í sambandi við fyrrverandi eiginmann klámstjörnunnar Stormy Daniels, Mike Moz, sem er framleiðandi í klámbransanum. Sagt er að Mike Moz verði yfir þessu nýja verkefni.
Ef allt gengur eftir þá mun framleiðslufyrirtækið verða að raunveruleika fyrir sumar.
Þessar fréttir koma örugglega mörgum aðdáendum hans á óvart þar sem hann hefur áður viðurkennt að „klám eyðilagði hjónaband“ hans og Kim Kardashian. Þau eiga saman fjögur börn.
Hann sagðist glíma við klámfíkn í september 2022 og varð það augljóst þegar myndband af honum sýna stjórnendum Adidas klám á starfsfundi fór í dreifingu um netheima.
Kanye virðist einnig vera búinn að setja kristilegt ferðalag sitt í pásu en árið 2019 gaf hann út plötuna „Jesus Is King“ og sagðist vera að íhuga að stofna eigin kirkju. Á þeim tíma stóð hann oft fyrir sunnudagsmessum sem voru fjölsóttar af stjörnunum í Hollywood.
