Samkvæmt Page Six hefur starfsfólk Four Seasons á suðurströnd Miami fengið nóg af rapparanum, sem virðist ekki sýna á sér neitt fararsnið. Hann er sagður hafa sett upp upptökuver á hótelinu.
Að sögn miðilsins hafa ákveðnir starfsmenn, sérstaklega þeir sem eru í öryggisgæslu hótelsins, fengið nóg af gestum rapparans sem eru þarna langt fram eftir nóttu.
Það var sérstaklega villt kvöld í desember þegar hann kom fram með Ku Klux Klan hettu á Art Basel listahátíðinni og hélt síðan partý á hótelinu. Það voru fimmtán SUV-bílar að koma og fara til fimm um morguninn.
Rapparinn hefur oft dvalið á þessu hóteli en samkvæmt heimildum Page Six mun hann ekki fá jafn hlýjar kveðjur næst þegar hann kemur.
Þetta eru ekki einu fréttirnar af rapparanum sem hafa vakið athygli í dag. Hann birti nokkrar myndir af eiginkonu sinni, Biöncu Censori, á Instagram sem urðu fljótt mjög umdeildar.
Sjá einnig: Kanye West birti umdeildar djarfar myndir af eiginkonu sinni
