Tónlistarmyndarbandið við lagið Devil Never Killed eftir tónlistarmanninn Theó Paula var forsýnt í Sambíónum Egilshöll fyrir framan fullum sal af fólki. Myndbandið fékk frábærar viðtökur hjá sýningargestum og núna er það að birtast almenningi.
Myndbandið er innblásið af stórmyndinni Fight Club og fékk Theó reynslumesta áhættuleikara landsins, Jón Viðar Arnþórsson, til að hafa umsjón með bardaga atriðunum.
Theó Paula leggur svo sannarlega allt undir í þessu því nánast allur peningur sem hann hefur aflað síðasta rúma hálfa árið við að vinna í Rúmfatalagernum hefur farið í gerð myndbandsins.
Mikill metnaður var settur í myndbandið, sem er í leikstjórn Tómasar Nóa Emilssonar. Konráð Kárason Þormar sá um tökur.
Framleiðendur myndbandsins eru Hermann Jónsson, Theó Paula og Tómas Nói Emilsson.
