Rachel, sem er 41 árs, sagði hlustendum að hún hafi ekki fengið fullnægingu við samfarir fyrr en hún varð 38 ára. Aðdáendur lögðu saman tvo og tvo, en sama ár og hún fékk sína fyrstu fullnægingu við samfarir, byrjaði hún í sambandi með leikaranum Bill Hader.
Sjá einnig: Fékk fyrstu fullnæginguna 38 ára og gaf vísbendingu um bólfélagann
Eins og fyrr segir vöktu ummæli hennar mikla athygli og hafa netverjar gert mikið grín af fyrrverandi kærustum hennar.
Rachel, sem sló í gegn í þáttunum OC árið 2003, hefur átt í nokkrum áberandi ástarsamböndum. Hún var með OC-leikaranum Adam Brody frá 2003 til 2006. Hún var trúlofuð Star Wars-leikaranum Hayden Christensen og eiga þau saman átta ára dóttur, þau hættu saman árið 2017.
Nú hefur Rachel tjáð sig enn frekar um málið, þar sem gríninu virðist ekki ætla að linna, og segir að þetta hafi haft ekkert með mennina að gera.
„Þetta var ekki fyrrverandi kærustum að kenna,“ sagði hún í The Nick Viall Fiels hlaðvarpsþættinum.
„Þetta var vegna þess að ég þekkti ekki eigin líkama.“
Hún útskýrði enn frekar og sagði að hún hafi opnað sig um þetta til að taka þátt í umræðu með Whitney Cummings, sem var gestur í þættinum, sem sagðist hafa fengið fyrstu fullnæginguna sína við samfarir 40 ára.
„Ég bara tók þátt í samtalinu og sagðist hafa upplifað það sama,“ sagði hún og bætti við að hún hafi ekki verið að reyna að gera lítið úr fyrrverandi mökum.
„Fólk fór að nefna einhver nöfn og mér finnst það ekki í lagi, því þeir höfðu ekkert með þetta að gera.“