Ásamt því að vera hressasta útvarpskona landsins er Kristín Sif Björgvinsdóttir einnig íþróttakona, þjálfari, móðir og unnusta.
Hún er trúlofuð Stefáni Jakobssyni, söngvara Dimmu, og ætla þau að ganga í það heilaga í haust. Þau opinberuðu samband sitt í lok júní í fyrra og fór söngvarinn á skeljarnar í desember.
Þau eru yfir sig ástfangin en hvenær varð hún fyrst ástfangin? Hún rifjar upp augnablikið þar sem hún vissi að hún elskaði Stefán í nýjasta þætti af Fókus.
Aðspurð hvenær hún vissi að hún elskaði hann segir hún eftir smáh umhugsun:
„Það var þegar ég var að pæla í því hvort ég ætti að hætta að boxa eða ekki, þá var hann sá fyrsti sem mér datt í hug um að spyrja hvort það væri rétt ákvörðun að hætta. Þá vissi ég að það væri eitthvað. Ég held að það hafi alltaf verið eitthvað án þess að það væri nokkuð, ég held að það hafi alltaf verið eitthvað án þess að við vissum af því.“
Í þættinum ræðir hún nánar um fegurðina við ástina og samband þeirra. Horfðu á þáttinn í heild sinni hér.
