Send Nudes: Body SOS, nýr sjónvarpsþáttur sem hóf göngu sýna á bresku sjónvarpsstöðinni E4, hefur vakið töluverða athygli. Um er að ræða raunveruleikaþátt þar sem þáttakendur láta taka ótal myndir af nöktum líkömum sínum til að skanna þá. Í kjölfarið er notast við tækni sem gerir þáttakendum kleift að sjá hvernig líkaminn þeirra myndi líta út eftir lýtaaðgerðir.
Melissa, 24 ára gömul kona í hjúkrunarnámi, er ein af þáttakendum raunveruleikaþáttarins en hún ákvað að taka þátt því henni finnst brjóstin sín vera of stór. Melissa segir í þættinum að hún hafi verið í góðu formi þegar hún var yngri en að það hafi verið erfitt að viðhalda því þegar brjóstin fóru að stækka. Hún segist vera með sjaldgæfan sjúkdóm sem kallast gigantomastia sem gerir það að verkum að brjóstin stækkuðu of mikið, hún notar brjóstahaldara í stærð 36MM.
„Ég er ekki ánægð með þau, þau eru risastór,“ segir Melissa í þættinum. „Ég get ekki beygt mig, ég get ekki sofið því ég finn fyrir svo miklum sársauka.“
Í þættinum fær Melissa að sjá hvernig hún myndi líta út ef hún myndi láta minnka brjóstin. „Ég hef alltaf litið út fyrir að vera eldri en ég er, ég get ekki farið út án þess að fólk stari á mig, komi með athugasemdir eða móðgi mig. Ég er komin með nóg af því.“ sagði hún.
„Fólk segir alltaf við mig að það vilji vera eins og ég en ég held að það skilji ekki afleiðingarnar sem þetta hefur. Ég myndi ekki óska mínum versta óvini að ganga í gegnum þetta.“
Í þættinum er um 50 manna hópur af venjulegu fólki sem segir sína skoðun á því hvort þáttakandinn eigi að fara í aðgerð. Í tilviki Melissu voru áhorfendur hrifnir af tölvugerðu útliti hennar með minni brjóst og ákvað Melissa að fylgja því áliti, það er að fara í brjóstaminnkunaraðgerð. Melissa sagði þó að hún ætlaði að bíða með að fara í aðgerðina þar til hún klárar námið sitt.
