fbpx
Laugardagur 06.ágúst 2022
Fókus

Ágúst sýnir hvernig hann laug í viðtali við Stöð 2 – „Hvað er að þér?!“

Máni Snær Þorláksson
Föstudaginn 29. júlí 2022 14:12

Skjáskot: Vísir/TikTok

Ekki missa af Helstu tíðindum dagsins í pósthólfið þitt

Lesa nánar

„Ágúst Halldórsson er hænsnabóndinn í Vestmannaeyjum með stóru H-i. Hann er með fjórar hænur í flottum hænsnakofa sem hann byggði og góðu útisvæði fyrir hænurnar,“ sagði fréttamaðurinn Magnús Hlynur Hreiðarsson í innslagi um Ágúst sem sýnt var í kvöldfréttum Stöðvar 2 þann 19. ágúst í fyrra. Í innslaginu mátti sjá viðtal sem Magnús tók við Ágúst sem vakti mikla athygli í fyrra enda gott dæmi um einstakt lag Magnúsar Hlyns á að finna fyndnar og skemmtilegar fréttir úr samtímanum.

Ágúst rifjar fréttina upp í myndbandi sem hann birti á TikTok-síðu sinni í dag en þar viðurkennir hann að hafa logið í samtalinu við Magnús Hlyn.

Laug tvisvar að Magnúsi

Í fréttinni kom fram að hænur Ágústar eru nefndar eftir „kraftakonum frá Vestmannaeyjum“ – Páley, Guðbjörg Matt, Íris og Jakobína. Í viðtalinu sagði Ágúst að hænurnar hagi sér eins og nöfnur sínar í pólitíkinni.

„Þetta er svipað eins og í pólitíkinni. Ég sá að Páley og Guðbjörg Matt vildu ekki hafa Írisi fyrst en núna eru þær byrjaðar að vera saman aftur og ég sé að Jakobína er aðeins komin út úr hópnum. Hvort þetta sé eitthvað í sambandi við komandi kosningar, maður veit ekki hvað er í gangi,“ sagði Ágúst en á TikTok segir hann að þetta hafi verið fyrsta lygin hans í viðtalinu.

Lygi númer tvö hjá Ágústi kom þegar Magnús spurði hvort hann væri búinn að suða lengi um að fá hænur. „Já, það var ekki fyrr en konan mín, við eigum þrjú börn saman, hún vildi láta taka mig úr sambandi, þá fékk ég það í gegn, ef ég myndi láta taka mig úr sambandi fengi ég hænur í garðinn. Þannig að nú er ég með hænur og geldur,“ sagði Ágúst í viðtalinu og hló.

Svona leit fréttin út þegar hún birtist á Vísi – Skjáskot

Í myndbandinu sem Ágúst birti á TikTok sýnir hann viðbrögð eiginkonu sinnar við viðtalinu en ljóst er að lygar eiginmannsins komu henni á óvart. „Hvað er að þér?!“ spurði hún til dæmis þegar Ágúst sagðist vera geldur í viðtalinu.

Þá hefur myndbandið vakið töluverða lukku á TikTok en í athugasemdunum má sjá að fólk hefur gaman að ósannindunum. „Þetta er einfaldlega það besta sem ég hef séð,“ segir til að mynda einn netverji. „Þetta er ekkert eðlilega fyndið,“ segir annar. „Hahahaha meistari!!“ segir svo í enn annarri athugasemd.

@agusthallAlltaf að muna að ljúga pínu ef þið farið í viðtöl.

♬ original sound – Ágúst Halldórsson

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Íslendingar á Twitter missa sig yfir eldgosinu – „Held ég hafi séð þessa mynd áður“

Íslendingar á Twitter missa sig yfir eldgosinu – „Held ég hafi séð þessa mynd áður“
Fókus
Fyrir 2 dögum

Justin Timberlake sagður dónaleg díva – „Við vorum niðurlægðar“ 

Justin Timberlake sagður dónaleg díva – „Við vorum niðurlægðar“ 
Fókus
Fyrir 3 dögum

Hann var aðeins sjö ára – Heimsins yngsti fjöldamorðingi

Hann var aðeins sjö ára – Heimsins yngsti fjöldamorðingi
Fókus
Fyrir 3 dögum

Þessi mun leika Marilyn Monroe í nýrri ævisögulegri kvikmynd úr smiðju Netflix

Þessi mun leika Marilyn Monroe í nýrri ævisögulegri kvikmynd úr smiðju Netflix
Fókus
Fyrir 5 dögum

Giftist manninum sem örkumlaði hana – Blind ást

Giftist manninum sem örkumlaði hana – Blind ást
Fókus
Fyrir 6 dögum

Uppfært: Erpur rændur í Eyjum – „Ég hef aldrei lent í öðru eins á ævi minni“

Uppfært: Erpur rændur í Eyjum – „Ég hef aldrei lent í öðru eins á ævi minni“