„Nýi lagerstjórinn í vinnunni er svo kynþokkafullur og ég er hrædd um að ég eigi ekki eftir að geta haft stjórn á mér þegar við verðum ein saman í næstu viku,“ segir konan.
„Vandamálið er að ég er virðuleg 41 árs kona og hef verið gift í tæplega 19 ár. En mér líður eins og skólastelpu aftur, ég er svo skotin í nýja lagerstjóranum.“
Konan lýsir eiginmanni sínum; hann er fjórum árum eldri og mjög vanafastur. „Hann borðar það sama á hverjum degi, við ferðumst aðeins um Skotland og hann neitar að fara annað. Kynlífið okkar er alltaf eins, alltaf á sunnudögum og miðvikudögum. Ég hef reynt að breyta til, klæða mig upp fyrir hann og svona, en hann tekur ekki þátt í því,“ segir hún.
Nýi lagerstjórinn er 37 ára, einhleypur og glæsilegur.
„Ég get ekki hætt að stara á hann […] Ég held að sé líka hrifinn af mér. Ég spái núna í því hverju ég klæðist, ég keypti nýtt ilmvatn og fór í neglur. Ég þrái að hann kyssi mig,“ segir konan.
„Ég stundaði kynlíf með eiginmanni mínum tvisvar í síðustu viku – eins og venjulega – og lokaði augunum og ímyndaði mér að þetta væri kynþokkafulli lagerstjórinn að njóta ásta með mér.“
Konan segir að í næstu viku muni hún verja ein tíma með lagerstjóranum og hún sé hrædd um að eitthvað muni gerast.
„Hluti af mér getur ekki beðið, en annar hluti segir að nú sé kominn tími til að finna aðra vinnu.“
Deidre gefur konunni ráð.
„Ef hann er líka skotinn í þér mun ekki líða langt þar til eitthvað gerist á milli ykkar, sem getur sett hjónaband þitt í hættu og vinnuna þína,“ segir hún.
„Lagerstjórinn virkar kannski spennandi miðað við eiginmann þinn en þetta á ekki eftir að enda vel.“
Hún ráðleggur konunni að tala við eiginmann sinn og segja honum að vantar ástríðu í sambandið.