Hér er allt sem við vitum að svo stöddu.
Alexander heitir fullu nafni Alexander Egholm Alexandersson. Hann er fæddur 4. maí 1998 og er úr Garðabænum. Samkvæmt þjóðskrá býr hann í 300 fermetra höll í Garðabæ sem er metin á rúmlega 181 milljónir á vef Procura.
Hann býr þar ásamt föður sínum, sem er framkvæmdarstjóri. Það er skemmtilegt að segja frá því að Alexander heitir í höfuð á föður sínum, sem er einnig Alexandersson. Þeir eru samt með ólík millinöfn.
Alexander kallar sig Lexi Blaze á Instagram og er með rúmlega 1300 fylgjendur. Það má þó búast við því að sú tala muni hækka því oftar sem hann birtist á Instagram-síðu Svölu.
Alexander er maður sem er ekki hræddur við glingur. Hann birtir reglulega myndir af sér með alls konar skartgripi, eins og hálsmen, armbönd og eyrnalokka.
Alexander æfði lengi fótbolta, hann ólst upp í Stjörnunni og spilaði þar í yngri flokkum. Hann lék svo með Fenrir og Álftanesi í neðri deildum en hætti í fótbolta árið 2019.
Alexander er ekki mjög virkur á Twitter en þegar hann birtir eitthvað er það nær oftast fótboltatengt, eins og þegar hann deilir frábærum fréttum af bróður sínum.
Bróðir Alexanders er enginn annar en Freyr Alexandersson, fyrrverandi landsliðsþjálfari kvenna í knattspyrnu. Freyr starfar nú sem þjálfari danska liðsins Lyngby.
Alexander er hrifinn af rapptónlist og velur hana gjarnan undir myndböndin sem hann birtir á Instagram.
Hann birti fyrsta myndbandið saman af þeim á samfélagsmiðlum. Í myndbandinu eru þau á rúntinum, Svala að keyra og hann að dilla sér við tónlistina.
Fyrsta paramyndin var síðan opinberuð um helgina, þremur vikum eftir að þau byrjuðu að deita og á sama tíma og greint var frá sambandi þeirra í fjölmiðlum.
Það er 21 árs aldursmunur á parinu. Hann er 24 ára (fæddur 1998) og Svala 45 ára (fædd 1977). Fregnir af sambandi þeirra olli talsverðu fjaðrafoki um helgina en það virtist ekki hafa nein áhrif á Svölu sem svaraði fyrir sig á Instagram í morgun.
Meira vitum við ekki um Alexander í bili.