Leikkonan ræddi um þetta í spjallþætti Drew Barrymore síðastliðinn þriðjudag. Umrætt viðtal átti sér stað árið 1981, stuttu eftir að Brooke sat fyrir í frægu Calvin Klein gallabuxnaherferðinni.
„Hún spurði í hvaða stærð ég væri og bað mig um að standa upp,“ sagði Brooke, sem var fimmtán ára á þessum tíma.
„Og þegar ég stóð upp, þá var hún að bera sig saman við þessa litlu stelpu. Og ég hugsaði: „Þetta er rangt. Ég skil ekki hvað þetta er.“ En ég bara hagaði mér og brosti,“ sagði hún og bætti við að sér hafi liðið eins og „ég hafi verið notfærð á svo marga vegu.“
Brooke lýsti meðal annars viðtalinu sem „glæpsamlegu“ og sagði að ekki hafi verið um blaðamennsku að ræða.
„En síðan lærirðu að segja nei,“ sagði hún.
Hún rifjaði upp annað viðtal sem hún fór í þegar hún var í kringum tíu ára aldurinn.
„Þessi kona spurði mig að sömu spurningunni aftur og aftur,“ sagði Brooke, sem tók það fram að þetta hafi ekki verið Barbara Walters.
Brooke sagðist hafa sagt við umrædda konu: „Ég held að þú viljir ekki vita svar mitt, því þú heldur áfram að spyrja mig að sömu spurningunni. Þetta er svarið mitt og ég breyti því ekki þar sem þetta er minn sannleikur.“
Horfðu á viðtalið hjá Barböru Walters hér að neðan.