Lamar Odom, körfuboltakappi og fyrrverandi eiginmaður raunveruleikastjörnunnar Khloé Kardashian, segir að það sé sakbitin sæla hjá honum að horfa á The Kardashians, þætti sem fjalla um hans fyrrverandi konu og fyrrverandi tengdarfjölskyldu.
Hann segir þó að honum hafi fundist erfitt að horfa á fyrsta þáttinn í nýju seríunni þar sem fjallað er um skandalinn í kringum barnsföður Khloé, Tristan Thompson, sem feðraði barn með annarri konu á meðan Khloé var að vinna hörðum höndum að gera annað barn þeirra saman að veruleika.
„Það var erfitt fyrir mig að horfa á þetta,“ sagði Lamar. „Það var alltaf að fara að verða erfitt fyrir mig að horfa á manneskju sem ég elska svo heitt verða þetta leiða.“
Lamar hefur sagt að hann óski þess að Khloé geti fundið hamingjuna. Hann hefur áður lýst því yfir að hann hefði ekkert á móti því að byrja með henni aftur en núna vill hann bara að hún eigi innihaldsríkt og hamingjusamt líf, hvernig sem það lítur út.
„Hún var að gráta í þættinum og allir voru að yfirheyra hana og þess konar drasl. Þetta var líklega mjög erfiður tími hjá henni. Ég vil bara að hún sé hamingjusöm – bara það.“
Dóttir hans, Destiny, sem er 24, sagði í samtali við E!News að „Ég vil bara að hún sé hamingjusöm og heilbrigð.“
Feðginin segist sjálf opin fyrir hugmyndinni að gera raunveruleikaþætti um þeirra líf. „Við höfum mikið til að tala um og mikið til að sýna svo hver veit.“
„Það eru svo margar fleiri hliðar á mér aðrar en þær en að ég líti vel út á myndum,“ sagði Destiny sem er starfandi fyrirsæta í dag. Hún til að mynda sé að íhuga að fara aftur í nám.