Í haust fara af stað nýjir þættir á Stöð 2 en þættirnir eru í umsjón kynfræðingsins Siggu Daggar og aðstoðarmanns hennar, Ahd Tamini. Vísir birti í dag viðtal við Siggu um þættina en viðtalið birtist í Íslandi í dag í gær..
Þættirnir sem um ræðir bera nafnið Alls konar kynlíf. Um er að ræða fræðslu- og skemmtiþætti þar sem Sigga og Ahd ræða og fræða um alls konar mál sem tengjast kynlífi, eins og nafnið á þáttunum gefur til kynna. Í þáttunum verður til að mynda rætt við sérfræðinga og þjóðþekkta einstaklinga, eins og Erp Eyvindarsson, Donnu Cruz og fleiri, um kynlíf.
„Við fjöllum um mál sem að fólk virðist oft stopp á, eins og nekt. Að spyrja fólk út í nekt af því að það er enginn staður á Íslandi sem leyfir nekt.“
Í Íslandi í dag segir Sigga frá því að hún verði nakin í þáttunum en hún hélt sérstaklega fund með fjölskyldunni sinni til að tilkynna þeim það. „Ég tók alveg fjölskyldufund og þau héldu náttúrulega að ég væri dauðvona,“ segir Sigga í Íslandi í dag.
„Þau voru ekkert stressuð yfir þessu. Pabbi sagði meira að segja: „Hver hefur ekki séð á þér brjóstin?“ og ég var alveg „WHAT hvað meinarðu?“ en þá fara að koma sögur af því hvað ég var frjálslyndur unglingur,“ segir Sigga. „Þegar ég fór að tala við fólk fór ég að stinga upp á því að það væri svona kaffihús sem væri með nakta kaffistund einn miðvikudag í mánuði milli 4 og 6 en það var eiginlega enginn kominn þangað.“
Hér fyrir neðan má sjá viðtalið úr Íslandi í dag þar sem rætt er við Siggu um nýju þættina: