Við á Íslandi getum verið þakklát fyrir það að flest okkar fái að mæta í vinnuna í dag þrátt fyrir yfirstandandi heimsfaraldur. Staðan er ekki jafn góð í öðrum löndum, til dæmis Kanada, þar sem þingfundir fara fram á Zoom.

Í gær lak skjáskot á netið frá þingfundi þar sem sjá má nakinn þingmann í einum ramma. Vel sást í allan líkama mannsins en heppilegt var að hann náði að halda símtóli fyrir framan kynfæri sín. Fólk var ekki lengi að átta sig á því hvaðan myndin væri þar sem sitt hvorum megin við nakta manninn voru fánar Kanada og Quebec-fylkis.

Erfitt var að greina út frá myndinni hver maðurinn væri, þar sem andlit hans sést ekki vel. Þingmaðurinn Will Amos steig þó fram á Twitter og viðurkenndi að þetta væri hann sem hefði verið gripinn glóðvolgur nakinn fyrir framan myndavélina. Hann segist hafa verið að skipta um föt þar sem hann var á leið út að hlaupa og að hann hafi gleymt að slökkva á myndavélinni.

I made a really unfortunate mistake today & obviously I’m embarrassed by it. My camera was accidentally left on as I changed into work clothes after going for a jog. I sincerely apologize to all my colleagues in the House. It was an honest mistake + it won’t happen again.

— Will Amos (@WillAAmos) April 14, 2021

Á Twitter hefur Will hefur fengið fjölda hrósa fyrir einstaklega góðan líkamsvöxt en aðrir benda honum á að það sé bannað samkvæmt lögum að taka ljósmyndir af þingfundum og því geti hann kært þann sem tók myndina.

Annar þingmaður tjáði sig um atvikið á næsta þingfundi þar sem hún sagði:

„Það gæti verið nauðsynlegt að minna meðlimi á, sérstaklega karlkyns, að bindi og jakki eru skylda en það eru einnig skyrta, nærbuxur eða buxur. Við erum öll búin að sjá að þessi þingmaður er í frábæru formi en ég held að það þurfi að minna alla á að fara varlega og hafa stjórn á myndavélinni.“