Andrea er 26 ára kona sem býr í bænum Salisbury í Bretlandi. Andrea fæddist með sjaldgæfan fæðingargalla sem orsakar það að hún er með tvær píkur og tvö leg. The Sun greinir frá. Fæðingargallinn var ekki uppgötvaður fyrr en Andrea var 14 ára en bæði legin eru virk og getur Andrea því eignast börn.
Túrverkirnir sem Andrea fær eru virkilega slæmir og getur hún stundum ekki gengið dögum saman. Hún hefur þó meiri áhyggjur af því hvort hún geti eignast barn.
Legin eru örlítið smærri en venjulega en þegar Andrea var 17 ára varð hún ólétt. Eftir þriggja mánaða meðgöngu hætti barnið að vaxa og var það rekið til fæðingargallans. Hún vonast til þess að geta stofnað fjölskyldu einn daginn með unnusta sínum.
„Ég er enn þá með margar spurningar varðandi greininguna mína. Ég er með tvö leg og get því gengið með tvö börn á sama tíma en ég vil vita hvort ég geti eignast eitt barn örugglega.“ segir Andrea en til eru dæmi um að konur með greininguna hafi eignast börn en hún hræðist samt að hún sjálf muni aldrei geta eignast heilbrigt barn.
„Þetta er á gráu svæði, við eigum 50% séns en ég veit ekki meira fyrr en við reynum á þetta og þetta er eitthvað sem við munum takast á saman þegar kemur að því“ og bætir við að fæðingargallinn hefur ekki haft nein áhrif á kynlífið hennar