Skemmtikrafturinn og einkaþjálfarinn Egill Einarsson, betur þekktur sem Gillz, er um þessar mundir staddur á eyjunni Tenerife ásamt fjölskyldu og vinum. Fréttablaðið greindi fyrst frá.
Mikið er um Covid-smit þar og mega einungis sex koma saman að hverju sinni. Egill birti mynd af föruneyti sínu úti að borða og skrifaði hann við myndina „#zerofucks“ þar sem þau sitja 10 saman að snæða og drekka.
Næsta mynd sem Egill birti var skjáskot af frétt mbl.is um að einungis sex megi koma saman og því ljóst að Egill viti af þessum reglum. Egill gortir sig af því að vera að brjóta lögin en með honum er meðal annarra athafnamaðurinn Ásgeir Kolbeinsson.
Í gær greindi Vísir frá því að samstarfsfélagi Egils, skemmtikrafturinn Steindi Jr., væri smitaður af veirunni og því þurfti að fresta bingó-i þeirra félaga sem átti að fara fram í dag.
