Kona nokkur deildi því á TikTok að hafa lent í furðulegri uppákomu nýlega þegar pósturinn kom með sendingu til hennar. Konan, Jennifer, deildi sögunni með fylgjendum sínum og fjallaði The Sun um málið í dag.
„Ég var búin að bíða í tvær til þrjár vikur eftir þessari sendingu,“ segir hún í myndbandinu. Á myndbandið hefur hún skrifað textann Takk Royal Mail en ástæðan fyrir því er nokkuð skondin.
„Fyrst kom sendillinn 23. nóvember en ég missti af honum, svo reyndi hann aftur í gær og ég missti aftur af því, svo ég hafði ekki hugmynd um hvað væri verið að reyna að koma til mín. Ég hugsaði: Ég er ekkert búin að vera að panta neitt – því ég hafði steingleymt pöntuninni.“
Loksins þegar pósturinn hitti á Jennifer heima kom sendillinn og hálf fleygði pakkanum til hennar.
„Sendillinn bara kom og ég bókstaflega kom til dyra á sloppnum og hann bara hendir pakkanum í gegnum dyrnar.“
Jennifer botnaði ekkert í sendlinum. Hvers vegna hafði hann fleygt þessu bara í hana og hálf rokið í burtu? Það var þegar Jennifer loksins skoðaði sendinguna sem hún áttaði sig á ástæðunni.
„Ég trúi þessu ekki. Á helvítis pakkningunni. Ég veit ekki hvort þið getið séð þetta en þarna stendur, bara fyrir hvern sem er að lesa, nákvæmlega hvað ég pantaði – titrara með sogi.“
Jennifer sýnir svo pakkann og mikið rétt – þarna stendur nákvæm innihaldslýsing.
„Vá svo allir á fjandans pósthúsinu og sendillinn vita að ég var að panta mér titrara.“
Jennifer tók þessu þó ekki mikið inn á sig en bætti við að lokum:
„Eins gott að þessi titrari sé fjandi öflugur.“