Fegurðardrottningin og fyrirsætan Hugrún Birta Egilsdóttir verður fulltrúi Íslands í Miss World Iceland 2021 í desember.
Miss World Iceland afhjúpar nýkrýndu drottninguna í færslu á Instagram. Hugrún Birta var valin þrátt fyrir að taka ekki þátt í fegurðarsamkeppni eins og tíðkast en þetta er í annað skipti sem Miss World Iceland velur fulltrúa með þessum hætti.
Árið 2019 var Kolfinna Mist Austfjörð valin sem fulltrúi þjóðarinnar. Það vakti talsverða athygli á sínum tíma þar sem Kolfinna Mist er frænka Lindu Pétursdóttur, umboðsaðila Miss World á Íslandi og fyrrverandi fegurðardrottningar.
Sjá einnig: Linda Pé valdi frænku sína sem fulltrúa Íslands í Miss World
Keppnin verður haldin 16. desember næstkomandi í Púertó Ríkó.
View this post on Instagram
Hugrún er reynslubolti þegar kemur að fegurðarsamkeppnum. Hún var krýnd Miss Supranational í Miss Universe Iceland árið 2019.
Hún á ekki langt að sækja glæsileikann en systir Hugrúnar er fyrrverandi fegurðardrottningin Ingibjörg Egilsdóttir. Amma þeirra, Esther Garðarsdóttir, var valin Ungfrú Reykjavík árið 1959.
Sjá einnig: Ingibjörg Egils deilir ótrúlegri sögu af ömmu sinni – Fegurðarsamkeppnin breytti öllu fyrir einstæða móður