Söng- og leikkonan Katrín Halldóra Sigurðardóttir gaf í dag út fyrsta lagið af sólóplötunni Katrín Halldóra syngur lög Jóns Múla, en platan kemur út 29. október. Lagið er komið í dreifingu á Spotify. https://open.spotify.com/track/65BsqTfk1Qfmx1RTzqTZVx?si=0e434e34690841aa
Lagið heitir Augun þín blá, og lag og ljóð eftir Jón Múla og Jónas Árnasyni.
Á hádegi í dag, föstudag, hófst sala á útgáfutónleika plötunnar sem fram fara í Norðurljósasal Hörpu þann 13. nóvember klukkan 19:30. Salan fer fram á Tix.is og aðeins rúmlega 400 miðar í boði. Því eru áhugasamir hvattir til þess að vera snemma á ferðinni.
Aðdáendur Ellýjar Vilhjálms ættu ekki að vera sviknir, en Katrín Halldóra fór með aðalhlutverk í sýningu Borgarleikhússins og Vesturports í hlutverki Ellýjar, á árunum 2017-2019, og urðu sýningarnar alls 220. Þá er ætlað að 104.446 manns hafi séð sýninguna.
Á fyrstu sólóplötunni heldur Katrín Halldóra áfram á sömu nótum, með notalega jazzaða stemningu í forgrunni, sem á erindi við tónlistarunnendur á öllum aldri.
Líkt og titill plötunnar gefur til kynna syngur Katrín Halldóra lög Jóns Múla; en að þessu sinni í glænýjum útsetningum eftir Hauk Gröndal.
Samstarf þeirra Hauks hófst á jazzhátíð 2018, en þar útsetti Haukur nokkur þessara laga. Það verkefni hélt áfram og útkoman er 10 laga plata, sem auk þess að koma út á streymisveitum verður einnig aðgengileg á CD, og í sérútgáfu í takmörkuðu upplagi á vinyl.
Jón Múli hefði orðið 100 ára í ár, en eftir hann liggja fjölmargar frægustu perlur íslenskrar dægurtónlistarsögu. Því segir Katrín Halldóra plötuna vera ákveðna heiðursplötu.
Páll Óskar Hjálmtýsson er gestasöngvari á plötunni en annars skipa hljómsveitina:
Haukur Gröndal, saxófónar og klarínett
Ólafur Jónsson, saxófónar og bassaklarínett
Snorri Sigurðsson, trompet
Ásgeir J. Ásgeirsson, gítar
Birgir Steinn Theódórsson, bassi
Erik Qvick, trommur
Hjörtur Ingvi Jóhansson, píanó