Í kvöld fer fram frumsýning á kvikmyndinni Leynilögga eftir fyrrverandi landsliðsmarkvörðinn Hannes Þór Halldórsson. Myndin var heimsfrumsýnd á kvikmyndahátíðinni í Locorno í ágúst, þar sem hún barðist um gyllta hlébarðann.

Frumsýningin fer fram í Sambíóunum Egilshöll. Þangað mætti fjöldi fólks, þar á meðal margar skærustu stjörnur landsins.

Á meðal þeirra sem mættu voru fjölmiðlamennirnir Auðunn Blöndal, Steinþór Hróar Steinþórsson, Egill Einarsson, og Sverrir Þór Sverrisson (Sveppi), en allir fara þeir með stór hlutverk í myndinni. Leikkonurnar þjóðþekktu, Steinunn Ólína Þorsteinsdóttir og Júlíana Sara voru líka á svæðinu, sem og tónlistarkonan Bríet. Þá létu rithöfundurinn Stefán Máni Sigþórsson og kvikmyndagerðarmaðurinn Hrafn Gunnlaugsson sjá sig, ásamt mörgum fleirum.

Hér fyrir neðan má sjá myndir frá sýningunni.

Sigtryggur Ari Jóhannesson, ljósmyndari Torgs, leit við og tók þessar skemmtilegu myndir.