Ekkert foreldri er fullkomið, ekki einu sinni Kim Kardashian. Raunveruleikastjarnan á fjögur börn með fyrrverandi eiginmanni sínum, Kanye West. North, 8 ára, Saint, 5 ára, Chicago, 3 ára og Psalm, 2 ára.

Í nýjum netþætti Ellen DeGeneres, „Mom Confessions“, svaraði Kim nokkrum skemmtilegum spurningum um mæðrahlutverkið.

Hún sagði hver hennar stærstu mistök væru sem foreldri og þrátt fyrir að vera ein frægasta kona í heimi þá geta örugglega allir foreldrar tengt við þau.

„Mín stærstu mistök eru að ég gef eftir of auðveldlega og múta þeim stundum,“ viðurkenndi stjarnan. „Ég er sek um góðar mútur.“

Eitt sem hún forðast eins og heitan eldinn er að ljúga að börnunum sínum.

„Ég virkilega reyni að ljúga ekki að börnunum mínum. Ég gerði það í byrjun til að ná þeim út úr húsi og þess háttar, en ég áttaði mig fljótlega á því að það myndi ekki virka fyrir mig og ég vil frekar vera hreinskilin við börnin mín.“

Elsta barn Kim er North, 8 ára. Mæðgurnar eru ekki alltaf sammála og þegar þær rökræða lætur North móður sína heyra það.

„Í hvert skipti sem við erum eitthvað ósammála þá reynir hún að skjóta á mig og segir: „Húsið þitt er svo ljótt. Það er allt hvítt. Hver lifir svona?“ Hún heldur að þetta nær til mín og þetta er alveg frekar ljótt því ég er hrifin af húsinu mínu.“