Guðný María Arnþórsdóttir, einnig þekkt sem Páskastjarnan gaf út nýtt lag í dag. Lagið ber titilinn One, two, three, four. Sjálf segir Guðný að um sé að ræða fyrsta „álfadansinn“ sinn.
Umfjöllunarefni lagsins virðist vera einhverskonar karlmaður, en hún segir að hlustandinn ráði hvort um sé að ræða: „draumaprinsinn, huldumann eða karlmann sem fer í íbúðir um miðnætti til að sænga hjá ókunnugum konum.“
Hún segir atburðina sem lagið fjalli um gerast á vetrarnótt, en hún fékk einmitt hugmyndina af laginu á einni slíkri. Þá segir Guðný einnig að hlustandinn ráði hvort lagið fjalli um upphaf sambandsins eða endi þess.
Hér má hlusta á lagið og sjá tónlistarmyndbandið:
