Maddie McGivern var að taka því rólega eftir skemmtilegt kvöld. Hún ætlaði að kaupa sér eitthvað að borða ákvað að kíkja fyrst á heimabankann. Hún fékk vægast sagt áfall þegar hún sá stöðuna á reikningnum en samkvæmt honum skuldaði hún um 6100 milljarða eða 50 milljarða dollara.
Maddie er 22 ára og ósköp venjulegur bandarískur háskólanemi. Hún var því alveg viss um að hún hefði ekki eytt þessum pening og átti heldur ekki þennan pening inni á bankabók til að byrja með.
Myndband af Maddie bregðast við stöðunni á reikningnum hefur farið eins og eldur í sinu um netheima.
@gabefloressWe went out to the bar and Maddie checked her phone when we got home and she’s -$50 billion dollars in debt ##fyppageforyou ##fypシ
BuzzFeed heyrði í Maddie sem sagðist hafa verið í áfalli og orðlaus. „En ég vissi að ég hefði ekki eytt þessum pening […] Ég hafði samband við bankann og bankastarfsmaðurinn sem ég ræddi við sagðist aldrei hafa séð þetta áður,“ segir hún.
Maddie var ráðlagt að bóka tíma hjá bankanum og eftir tveggja daga bið komst hún loksins að. Það kom í ljós að um væri að ræða tæknilega örðugleika sem er búið að kippa í lag.
