Ástin kviknaði í sumar hjá fegurðardrottningunni og athafnakonunni Manuelu Ósk Harðardóttur og kvikmyndaframleiðandanum Eiði Birgissyni. Manuela varð 37 ára á dögunum og deildi í tilefni þess mynd af sér og Eiði á Instagram.
„Ég beið bara í 37 ár eftir fullkomnum afmælisdegi,“ sagði hún.
https://www.instagram.com/p/CEh1pKAh-9O/
Við ákváðum að skoða hvernig Manuela og Eiður eiga saman ef litið er til stjörnumerkjanna.
Manuela er Meyja og Eiður er Fiskur. Það er oft talað um að þetta sé besta mögulega pörunin af öllum stjörnumerkjunum. Fiskurinn er hugsjónamaður og á það til að gleyma sér í dagdraumum. Hann er blíður, draumkenndur og finnur til með öðrum. Meyjan er dugnaðarforkur og fylgir nákvæmri rútínu. Hún á það til að fá kvíðakast ef aðeins einn lítill hlutur fer úr skorðum.
Pörun þessara merkja er svo fullkomin vegna þess hversu ólík þau eru. Þau gera hvort annað að betri manneskjum og bæta hvort annað upp.
Ef Meyjan og Fiskurinn eru nógu lengi saman til að læra inn á hvort annað og samband sitt, þá gætu þau uppgötvað að ást þeirra sé eina sanna ástin sem þau finna í þessu lífi.
29. ágúst 1983
Meyja
6. mars 1980
Fiskur