Eva Dís Þórðardóttir vann fyrir sér með vændi á þremur vændishúsum í Kaupmannahöfn, lengst af á „elítu vændishúsi“. „Þar eru fínni kúnnar, hærra verð og fallegri stelpur,“ segir Eva Dís. Hún segist hafa tekið á móti frá 0 og upp í 14 kúnna á kvöldi.
„Þá fann ég ekki fyrir líkamanum en var með fulla vasa af seðlum,“ segir hún.
Hún segir engan duga lengi í vændi og hún væri ekki á lífi ef hún hefði haldi áfram. Allar samstarfskonur hennar, nema ein eru horfnar af sjónvarsviðinu. Hún hugði á sjálfsvíg þegar hún fékk hjálp til að horfast í augu við sjálfan sig.
Eva Dís segir það hafa verið nauðsynlegt fyrir sig að geta talað um vændið til að losna við skömmina. Tilhugsunin um að einhver kæmist að „leyndarmálinu hennar“ var óbærileg um tíma.
Eva Dís segir það stundum hafa verið ánægjulegt og gaman að vera með mönnum sem keyptu sig inn á hana. Viðtalið er einstaklega opinskátt og er m.a. rætt um hvort vændiskona geti notið kynlífs og hvernig maður verðleggur kynlíf.