Lög eru mismunandi í hverju landi fyrir sig og oft hefur það komið ferðamönnum í vandræði. Hér eru fimm dæmi um furðuleg lög víðs vegar um heiminn.
Innflutningur og sala á tyggjói var alfarið bönnuð í Singapúr árið 1992 en það kom meðal annars til vegna mikils óþrifnaðar sem leiddi af sér mikinn viðhalds- og hreinsunarkostnað í háhýsum, á götum úti og í almenningsvögnum. Árið 2004 voru gerðar breytingar á lögunum sem heimiluðu sölu á nikótín- og tannhreinsityggjói gegn lyfseðli. Það er ekki ólöglegt að nota tyggjó en þeir sem henda því ekki í ruslið geta átt von á háum sektum.
Þessi umdeildu lög hafa verið í gildi í Danmörku frá því í ágúst 2018. Ástæðan er sú að yfirvöld vilja geta borið kennsl á fólk ef til dæmis slys eða glæpir eiga sér stað á stórum atburðum.
Lög í Rússlandi, Hvíta-Rússlandi og Kasakstan kveða á um að undirföt eigi að vera lágmark sex prósent bómull. Þetta mun vera af heilbrigðis- og öryggisástæðum.
Í skólum og á leikvöllum í Póllandi er óheimilt að klæðast fatnaði með mynd af Bangsímon. Bangsinn vinalegi er talinn óviðeigandi og óæskilegur fyrir ung börn því hann klæðist allajafna ekki buxum.
Lög í Nebraska-fylki í Bandaríkjunum kveða á um að ekki megi ganga í hjónaband með annarri manneskju ef maður er með einhvers konar kynsjúkdóm. Þrátt fyrir að þessi lög séu í fullu gildi þá er ekki krafist læknisvottorðs þegar sótt er um giftingarleyfi.